Umuhanzi Mahoro Isaac uririmba indirimbo zihimbaza Imana agiye gushyira ahagaragara amashusho y’indirimbo ze

0

Umuhanzi Mahoro Isaac uririmba indirimbo zihimbaza Imana agiye gushyira ahagaragara amashusho y’indirimbo ze muri DVD ya mbere

Mahoro ubarizwa mu itorero ry’Abadiventisite b’umunsi wa Karindwi azashyirira ahagaragara amashusho y’indirimbo ze muri DVD ya mbere ahite anashyira ahagaragara Album ya kabiri y’indirimbo z’amajwi kuri uyu wa 10 Ukuboza 2016 mu gitaramo kizabera ku itorero ry’Abadiventisite b’umunsi wa karindwi riri i Nyamata mu karere ka Bugesera.

mahoro

Aganira n’iki kinyamakuru Mahoro Isaac yagize ati “Ni igitaramo kizaba kigamije ibintu bitatu, mbere ya byose ni ugushima Imana yabanye natwe ikatwihanganira mu buryo bwose dukiranirwamo, icya kabiri tuzashyira ahagaragara indirimbo z’amashusho bwa mbere mu myaka yose maze ndi umuririmbyi ku giti cyanjye ndetse tuzanashyira ahagaragara undi muzingo w’indirimbo z’amajwi bwa kabiri”

Akomeza agira ati “Abantu icyo nababwira ni baze dufatanye guhimbaza Imana”

Mahoro akomeza avuga ko iki gitaramo kinezeje kuko abantu bazumva ubutumwa buri mu ndirimbo zose zizaririmbwa bakanumva ijambo ry’Imana kuko naryo ari ubundi buryo bwo kuvuga ubutumwa.

ubutumire

Muri iki gitaramo kandi hazaba hari n’amakorari, amatsinda ndetse n’abandi baririmba ku giti cyabo batandukanye bose bo mu itorero ry’Abadiventisite b’umunsi wa karindwi mu Rwanda. Muri abo harimo Amakorali nka ABABIMBUZI n’ABAHAMYA zo ku Muhima, MARANATHA Family Choir, Orion Singers ndetse n’abaririmbyi ku giti cyabo nka Jean Luc Munyampeta, Yvonne Uwase, Pastor Appolinaire Karangwa.

4,364 total views, 43 views today

ANDIKA ICYO UTEKEREZA KURI IYI NKURU