Umuhanzi Meddy arafunzwe, bamufashe yanasinze bikabije

Umuhanzi Ngabo Médard uzwi cyane nka Meddy yafashwe arafungwa mu mujyi wa Kigali aregwa gutwara imodoka yasinze n’umuvuduko ukabije nk’uko polisi ibivuga

Meddy, ubusanzwe uba muri Amerika, amaze iminsi ari mu bikorwa bya muzika mu karere, muri iyi minsi ari mu Rwanda aho umuryango we uba.

Chief Inspector of Police Goretti Umutesi umuvugizi wa polisi mu muyjyi wa Kigali yavuze ko  Meddy yafashwe uyu munsi ahagana saa munani z’ijoro ryacyeye i Remera.

Madamu Umutesi yagize ati: “Agomba kwishyura amande y’ibihumbi 150 yo gutwara yanyoye ibisindisha, kongeraho umuvuduko munini no kuba afunzwe iminsi itanu”.

Umuhanzi Meddy akaba atawe muri yombi nyuma y’aho ku wa Gatanu w’icyumweru gishize hamenyekanye itabwa muri yombi ry’abahanzi nka Bushali na Slim Drip babarizwa mu kizwi nka Kinyatrap, bafunzwe bakurikiranwe gukoresha ibiyobyabwenge.

Ngabo Medard atawe muri yombi mu gihe yiteguraga kumurikira abakunzi be Album ye nshya, nyuma y’igihe kirekire amuritse Album ye ” Amayobera”

 

Tanga Igitekerezo ukoresheje Facebook

SHARE