Umuhanzi Mr V nyuma yo kuva muri Gereza yinjiye mu muziki wo kuramya no guhimbaza Imana

Twagirimana Viateur n’umuhanzi Nyarwanda uvuka mu karere ka Ngororero azwi mu muziki nka Mr V yatangarije Ibyamamare.com ko byeruye yasezereye injyana yari asanzwe akora akaba yiyeguriye gukora umuziki wo kuramya no guhimbaza Imana.

Uyu muhanzi w’imyaka 33 war’umenyerewe mu njyana ya Dancehall na Hip yatangaje ko nyuma yo kumenya ubwiza bw’imilimo y’Imana ndetse n’ububasha ifite ku batuye isi n’ibyiza ibakorera yamaze gutera umugongo injyana ya Hip Hop na Dancehall maze akiyegurira usumba byose impano yamuhaye akayikoresha abwiriza ubutumwa bwiza bwa Yesu Kristo.

Uyu Mr V wigize gutigisa urubyiniro yatangiye umuziki mu mwaka wa 2016 azwi mu ndirimbo yise “Amboutillage” yakoranye n’umuraperi P FLA,iyo yise Ibisazi,Urabaruta ndetse n’izindi,yanagaragaye cyane mu gihugu cy’abaturanyi cya Congo sho yitabiriye ibitaramo bitandukanye mu minsi itambutse.

Mu kiganiro na IBYAMAMARE.COM  Mr V yatangaje ko bitewe n’ibyo yagiye anyuramo bikaza no gutuma afungwa ariko Imana ikamukura muri ubwo buroko yahisemo kuyikorera ibihe byose, yakomeje

“natangiye umurimo wo gukorera Imana mbinyujije mu bihangano byanjye,ubu nashyize hanze indirimbo mu buryo bw’amajwi  mu kwezi kwa 12 nzatangira igikorwa cyo gufata amashusho yayo, kugirango n’abatari banzi babashe kumenya, natangiye umulimo mwiza wo gukorera umwami Yesu,hari aho yankuye ngomba kumurata ibihe byose”

Usibye kandi amashusho Mr V ateganya gushyira hanze afite n’indi ndirimbo nshya muri Studio arimo gukoera ikazanaba iri kuri Alubumu y’indirimbo 12 ateganya gushyira hanze umwaka utaha wa 2020, alubumu izaba yitwa “Kuko ifunguye”

Mr V wamaze kwiyegurira Yesu aninjira mu muziki wo kuramya no guhimbaza Imana

 

Tanga Igitekerezo ukoresheje Facebook

SHARE