Umuhanzi Nsengiyumva Francois wamamaye nka Igisupuspu yagaragaye mu isura idasanzwe (Amafoto)

Umuhanzi Nsengiyumva Francois wamamaye hano mu Rwanda mu ndirimbo “Igisupusupu” nyuma y’iminsi myinshi abakunzi bamuzika bavugako yaburiwe irengero ubu yagarutse mu isura nshya.

Nsengiyumva wari ugiye kumara amezi ane atagaragara mu itangazamakuru n’ahandi mu ruhame, yongeye kugaragara ariko aza mu isura idasanzwe.

Ku myaka ye 42, Igisupusupu ubu arasa n’umusore w’imyaka 20 cyangwa munsi yayo.

Nsengiyumva Francois wamamaye hano mu Rwanda mu ndirimbo “Igisupusupu” mu isura nshya

Mu mafato yagiye hanze agaragaza Nsengiyumva Francois mu mutwe we umusatsi wahinduriwe ibara [ibi bakunze kwita tenture], yambaye amaherana ku matwi, inigi mu ijosi n’impeta ku ntoki kuburyo ubu agaragara nk’umujene.

Nsengiyumva Francois yateguje abakunzi be ko agiye gushyira hanze indirimbo nshya yise ‘Isubireho’ aririmbamo uwitwa Mukamana ngo “…Ikibuno arakinyonga.”

Isubireho ni indirimbo na yo irimo inanga y’Umuduri, Nsengiyumva aririmbamo umukobwa witwa Mukamana amusaba kwisubiraho bitewe n’ibikorwa bye bibi.

Agira ati “Mukamana yaramanutse, Mukamana yaragiye amakorosi aramugonga, yiboneye ifaranga yebaba imbabura,…Mukamana arakinyonga, ikibuno arakinyonga.”

Iyi ndirimbo ntitandukanye n’izindi uyu muhanzi yagiye akora mu micurangiye yazo kuko nayo yakoresheje igikoresho asanzwe akoreha cya Kinyarwanda (Umuduri)

Nsengiyumva Francois yateguje abakunzi be ko agiye gushyira hanze indirimbo nshya yise ‘Isubireho’

Nsengiyumva Francois ni umwe mu bahanzi bahiriwe cyane n’umwaka wa 2019 kuko indirimbo zose yasohoye zakunzwe cyane zikamuhesha amahirwe yo gutumirwa mu bitaramo bikomeye no  kwamamaza, ibintu byamwinjirije amafaranga menshi.

Iyi ni indirimbo agiye gushyira hanze izaba ari iya gatanu  kuva yatangira umuziki mu mpera z’umwaka wa 2018.  Izabanje zirimo “Mariya Jeanne” benshi bita “Igisupusupu”, “Icange” , “Rwagitima” na“Uzaze Urebe u Rwanda”.

Tanga Igitekerezo ukoresheje Facebook

SHARE