Search

Umuhanzi Social Mula arashinjwa ubujura.

IBM Radio Listen Live

KANDA HANO UREBE VIDEO

Umuhanzi Social Mula arashinjwa ubujura yakoreye muri Stdio Umoja Records iherereye I Nyamirambo mu Karere ka Nyarugenge aho bakunze kwita mu biryogo.

Kubwayo Abuba uzwi ku izina rya Dj K, uhagarariye Umoja, mu kiganiro yagiranye ny’Ibyamamare.com yavuzeko, Social Mula yaje muri studio yiba igitekerezo, amagambo, imiririmbire ndetse n’imicurangire by’indirimbo yarihuriwemo n’abahanzi batatu, Gisa, Edouce, Social n’undi wa kane bari bagishakisha nawe ufite ijwi rihogoza.

Dj K niwe wazanye igitekerezo akigeza kuri aba basore batatu, Gisa, Social na Edouce, ababwirako azashaka n’undi bakaba bane.

1150294_10200251682401109_1718524314_nKubwayo Abuba uzwi ku izina rya Dj K, uhagarariye Umoja Records

Aba basore barabyemeye ndetse barabyishimira kuko bumvaga iyi ari hit bagiye gukora, Dj K niwe wabashakiye izina ry’indirimbo, bayita “Umuturanyi”

Dj K ati “Nifuje guhuza abantu batatu basankaho bahanganye mu majwi harimo Gisa, Edouce na Social, mbasabako twakora indirimbo tukayita umuturanyi, barabyemera, indirimbo turayitangira, ikorwa na Produce Jonhson muri Umoja, ubu aho byari bigeze indirimbo yari igiye gusohoka haburagamo umuntu umwe wa kane.”

Dj K akomeza avugako, batunguwe no kubona, Social Mula yahise ashyira hanze iyi ndirimbo ari wenyine yakuyemo abandi bose bari bayiririmbyemo, Gisa na Edouce akuramo amajwi yabo aho bari baririmbye arahiririmbira, n’izina ntiyarihindura ayita “Umuturanyi”

Dj K ati “bya ntunguye cyane, Gisa byamutunguye cyane na Edouce nabimubwiye arababara cyane”iyi ndirimbo bose bari bayikunze bumvako izamenyekane cyane hano mu Rwanda  kubera imbaraga n’ubuhanga  bw’amajwi aba basore bari bahuje.

umuturanyi by Social MulaGisa, Social Mula na Edouce abahanzi bose bahuriye mu ndirimbo “Umuturanyi”

Iyi ndirimbo Social Mula yarayifashe ajya kuyikorera muyindi Studio ndetse ahita anayishyira hanze, ibintu byababaje cyane abari baratangiye umushinwa w’iyi ndirimbo, Dj K yemezako, Socila ari umujura ndetse ibi bigashimangirwa na Producer Jonhson ari nawe wari uri gutunganya iyi  ndirimbo.

Umushinga w’iyi ndirimbo wari awaratangiye mu kwezi kwa munani 2015, bifuzagako yazasohoka mu kwezi kwa gatatu 2016, igashyirwa hanze ifite n’amashusho.

Mu kiganiro Ibyamamare.com twagiranye na Producer Johnson wacuze beat ndetse agafata amajwi y’aba bahanzi yemezako Social ari umuhemu ndetse akaba n’umujura kandiko Atari ubwambere, Social Mula akoze amanyanga nk’aya ngaya yagize ati “Social niba inganzo yaramushiranye ni atuze, ashake abamuha ibitekerezo cyangwa abamwandikira indirimbo, kuko iyo uri umuhanzi ukaba utabasha kwiyandikira indirimbo cyangwa utabasha gutekereza igihangano wakora, icyo gihe ushaka ababishoboye bakabigukorera, aho guhora wanduranya kutwabandi.” Johnson avugako Atari ubwambere hari n’abandi Social Mula yagiye akorera ubu bujura.

IMG-20151109-WA0041Producer Johnson wacuze beat akanafata amajwi y’iyi ndirimbo yari uhuriwemo n’abahanzi batatu

Ku wagatanu taliki 12 Gashyantare nibwo Social Mula yashyize hanze iyi ndirimbo yise Umuturanyi, ayitanga mu bamenyekanisha ibihangano avugako ari iye.

Dj K watangije uyu mushinga w’indirimbo, icyo yifuza ni uko iyi ndirimbo yahagarikwa, ndetse na Social Mula akayihagarikisha ahantu hose yayitanze kuko igihangano Atari icye kandi ko byababaje bagenzi be baririmbanye bishobora no kubateza umwiryane.

Ibyamamare.com, izi ndirimbo zombi twabashije kuzumva, zose ni zimwe usibyeko imwe irimo amajwi y’abantu 3 indi ikabamo ijwi ry’umuntu umwe (Social Mula) ukurikije ibyo abatangiye uyu mushinga bakubwira wumva koko Social Mula yaba yaribye iyi ndirimbo.

Kanda Hano umwa indirimbo umuturanyi ya ihuriyemo Social Mula, Gisa na Edouce

Umva hano indirimbo umuturanyi Social Mula yibye bagenzi be

Kuruhande rwa Socila Mula , twagerageje kumuvugisha, kuva taliki 12 Gshyantare kugeza uyu munsi taliki 14 Gashyantare, Social Mula yanze kwitaba Telephone y’umunyamakuru wacu, kugeza ubwo iyi nkuru igiye hanze.

KANDA HANO Dukurikire kuri facebook yacu.

STONY

Comments

comments




Leave a Reply

Your email address will not be published. Required fields are marked *