Umuhanzi uba Muri Amerika, Survivor B.O.G yashyize hanze umuzingo w’indirimbo, agamije kumenyekanisha ikambi ya Gihembe.

Umuhanzi Sadiki Eric wiyise Survivor B.O.G, uba muri Leta zunze ubumwe za Amerika, yashyize hanze umuzingo w’indirimbo, avugako agamije kumenyekanisha aho yaturutse mu nkambi ya Gihembe iherereye i Byumba.

Uyu muhanzi uririmba injyana ya hip hop, mu kiganiro yagiranye n’ikinyamakuru Ibyamamare.com, yavuzeko yakuze akunda umuziki, ahamyako ubuzima bugoranye yanyuzemo aribwo bwatumye yiyita Survivor Because of God tugenekereje mu kinyarwanda bishatse kuvuga uwarokotse kubera Imana.

Survivor Because of God tugenekereje mu kinyarwanda bishatse kuvuga uwarokotse kubera Imana.

Survivor B.O.G indirimbo ye yambere yayanditse muri 2015, yakuze yemera abahanzi barimo P-Fla na Green P, icyo giye yari acyiga mu mashuri abanza.

Kubera amasomo no kubura ubushobozi yagiye muri Studio muri 2018, nibwo yakoze indirimbo ye yambere, ihita inakundwa cyane ari nabyo byamuhaye imbaraga zo gukomeza muzika kugeza n’uyu munsi.

Survivor avugako umuziki awukora kubera kuwukunda ati “Umuziki, nywukora kubera kuwukunda ariko, muri 2020 ntabwo wakora umuziki utunguka, ubu mba ndigushora byanga bikunda nzageraho nunguke.”

Uyu muhanzi Survivor B.O.G kubera uburyo indirimbo ye “Am Survivor” yakunzwe cyane byamuteye imbaraga zo gushyira hanze umuzingo wa Album ye yambere yise G- KAMPO.

At“Kubera ukuntu indirimbo yanjye “Am Survivor” yakunzwe byatumye mfatanya n’abamfasha mubyamuzika, tudangira gutegura iyi album, ubu iri hanze.”

Iyi Album yambere, uyu muhanzi yashyize hanze yahise ayita (G-Kampo) bishatse kuvuga Gihembe Camps.

Survivor B.O.G avugako impamvu iyi album yayitiriye ikambi ya Gihembe iherereye i Byuma ari ugushaka kumenyekanisha aho aturuka kuko ahafite amateka ahambaye.

Iyi album iriho iyo yise “Intro, Am Survivor, Ujyana nande, Passion, Thru the rap, Kazafatwa the Money na Outro,”

KANDA HANO WUMVE INDIRIMBO ZIGIZE IYI ALBUM

Survivor B.O.G avugako iyi Album yayishyize hanze ku munsi w’isabukuru ye y’amavuko, taliki ya 04 Nyakanga 2020.

Kuri ubu uyu muhanzi abarizwa muri Lebel yitwa The Creative Genius afata nk’umuryango we kuko abayigize bose babana nk’abavandimwe.

Iyi Album yatunganyijwe na Valencia On The Beat

 

Tanga Igitekerezo ukoresheje Facebook

SHARE