Umuhanzi w’icyamamare muri Amerika, NEYO yageze i Kigali

Umuhanzi w’ikirangirire muri Leta zunze ubumwe za Amerika, NEYO yageze mu mujyi wa Kigali mu rukerera rwo kuri uyu wa Gatanu taliki ya 6 Nzeri 2019 ahagana Saa Saba.

NEYO akigera ku kibuga cy’indege i Kanombe yahawe ikaze

NEYO yaje mu Rwanda arikumwe n’ikipe nini izamufasha kucurunga aho azitabira igitaramo gikomeye kizabera munyubako ya Kigali Arena.

Ne-Yo ari mu byamamare byatumiwe mu kwita amazina abana 25 b’ingagi mu muhango ubera mu Kinigi kuri uyu wa Gatanu.

Abakunzi b’ibihangano bye bamutegereje mu gitaramo cyo Kwita Izina Concert kizaba ku wa 7 Nzeri 2019 muri Kigali Arena yakira abantu bagera ku 10 000. Aha byitezwe ko hazaririmba abahanzi batandukanye barimo Charly na Nina, Riderman, Bruce Melodie na Meddy.

Kwinjira mu gitaramo yatumiwemo cyo “Kwita Izina Concert” mu myanya y’icyubahiro yisumbuyeho (VVIP) ni 50, 000 Frw; mu y’icyubahiro (VIP) ni 25,000 Frw; mu myanya isanzwe (Ordinary) ni 10,000 Frw mu gihe abanyeshuri bazishyura 3,000 Frw.

Imiraryango ikazaba ifunguye guhera i Saa kumi n’imwe.

Tanga Igitekerezo ukoresheje Facebook