Umuhanzi wo muri Amerika, Future yifurije umunsi mwiza w’ababyeyi, abagore 6 bose yabyaranye nabo, uko yabatondekanyije byatangaje benshi

Umuhanzi  wo muri Leta zunze ubumwe za Amerika, Umuraperi Nayvadius DeMun Wilburn wamamaye nka Future, yifurije umunsi mwiza w’ababyeyi, abagore bose bamubyariye.

Taliki ya 10 Gicurasi buri mwaka, ni umunsi isi yose iba yizihiza agaciro k’umubyeyi w’umugore, kuri uyu munsi, umuhanzi Future yakoze urutonde rw’abagore 6 bose babyaranye maze buri umwe amwifuriza umunsi mwiza.

Umunyamideli wo muri Hayiti, Eliza Reign afitanye umwana na Future

Ubwa mbere, uyu muraperi w’imyaka 36 y’amavuko, yanditse kuri Twitter ahereye kuwitwa India J, babyaranye umwana w’umukobwa w’imyaka 11 bise Londyn yagize ati “Umunsi mwiza w’ababyeyi India..Uri umubyeyi ukomeye kandi uhora ushyira abana kumwanya wa 1..nkomeza kunezezwa nawe iteka ryose, Urakoze.”

Uyu muraperi yakurikijeho uwitwa Brittni Mealy nyina w’umuhungu we w’imyaka 7, Prince. Yanditse ati “Warakoze kumbyarira Prince Britt” arongera ati “Urukundo ukunda abana bawe ruratangaje kandi ndagushimira kuba uhora hejuru mubucuruzi..Umunsi mwiza w’ababyeyi.”

Uyu muhanzi mugukomeza kwifuriza umunsi mwiza, abagore babyaranye yakurikijeho Ciara bafitanye umwana w’umuhungu w’imyaka 5, bise Future Jr, yagize ati “Umunsi mwiza w’ababyeyi Ci..Ngushimiye kubuzima bw’umwana wacu Future”.

Uwitwa Joie Chavis, Future yamushimiye kuba yarabaye mama udasanzwe ku muhungu wabo w’amezi 16, Hendrix.  Ati” Nukuri, komeza ushikame UMUNSI MWIZA W’ABABYEYI “.

Ciara niwe wamenyekanye cyane mubagore bose babyaranye na Future

Nyuma y’aba bose Future yanifurije umunsi mwiza, umugore utazwi babyaranye umwana yise Kash aho yamwise, umubyeyi Nyawe wambaye umwenda utandukanye nuwabandi.

Future kandi ni se w’umuhungu Jakobi w’imyaka 17, hamwe na Jessica Smith. aba bamenyekanye cyane mu ntambara zo mu nkiko, ubwo Nyina w’aba bana yasabagako abana be bahabwa uburenganzira nk’ubwabandi uyu mugabo yabyaye.

Mubagore bose babyaranye n’umuraperi Future, uwamenyekanye cyane ni Ciara Princess Wilson babanye muri 2013 batandukanye muri Kanama 2014 bamaze kubyarana umwana bise “Future Jr”

Muri 2016 Ciara yahise abana na Russell Wilson bafitanye umwana bise “ Sienna Princess Wilson

Umuraperi Future hamwe na Ciara muri 2013, urukundo rwabo rukiryoshye, ubwo bari bitabiriye itangwa ry’ibihembo bya BET Awards

Tanga Igitekerezo ukoresheje Facebook

SHARE