Umuhanzikazi Clarisse Karasira yizihije isabukuru y’imyaka 23 y’amavuko, abenshi bayishidikanyaho(Amafoto)

Umuhanzikazi Clarisse Karasira yizihije isabukuru y’amavuko y’imyaka 23, ariko abantu benshi bashidikanyije kuri iyi myaka bavugako ashobora kuba ayirengeje.

Kuri uyu munsi yizihiza ivuka rye Clarisse Karasira yihimbiye umuvugo asaba abantu gukomeza kubana mu mahoro.

Kuri uyu wa mbere tariki ya 22 Kamena 2020, Umuhanzikazi Clarisse Karasira umwe mubahanzi bakunzwe mu ndirimbo zibanda cyane ku muco.

Umuhanzikazi Clarisse Karasira yizihije isabukuru y’amavuko y’imyaka 23

Abinyujije kuri Instagram ye Clarisse Karasira yihimbiye umuvugo ashimira Imana ko yamwongereye imyaka.

Ati “Isabukuru nziza ku mukobwa nkunda cyane, untera imbaraga zo gukomeza kubaho neza mbereyeho n’abandi. Urukundo n’amabanga dufitanye muri uru rugendo rw’ubuzima bintera kudacogora mu kugerageza ibyiza.

Niwe uzi imibabaro n’ibyishimo byose nanyuzemo. Uyu mukobwa azi intege nke n’inyinshi zanjye ku buryo anambera intwarane aho isi yose itari. Ni we uhora anyibutsa Umuremyi n’icyo naremewe. Ndamukunda cyane kugira ngo mbone uko nkunda n’abandi.

Ndashimira Imana imugejeje aha ngo azarame abwira abantu ibyayo n’ibyiza. Ndashimira umuryango namwe mwese mwamenyaniye n’umukobwa w’Imana n’igihugu muri ubu buzima. Dukomeze twibanire mu mahoro.”

Clarisse Karasira yakoze indirimbo zitandukanye zakunzwe zirimo ‘Gira neza’, ‘Twapfaga Iki?’, ‘Ubuto’, ‘Kabeho’, ‘Imitamenwa’, ‘Ntizagushuke’ na ‘Uzibukirwa kuki?’.

Tanga Igitekerezo ukoresheje Facebook

SHARE