Umuhanzikazi Sunny aricuza icyatumye akuramo imyenda akereka ubwambure abari bamukurikiye LIVE kuri instagram, hari abavuzeko yari yasinze yataye ubwenge

Umuhanzikazi Sunny Dorcas Ingabire aricuza igikorwa yakoze cyo gushimisha abakunzi be ku mbuga nkoranyambaga bikagera aho akuramo imyenda akagaragaza imyanya ye y’ibanga ikarebwa n’ibihumbi by’abantu hirya no hino ku isi.

Ku cyumweru nibwo hasakaye amashusho yagaragaje ubwambure bwa Sunny nyuma yo kubyina yimenaho inzoga yari afite mu kirahure abikorera ku rubuga rwe rwa Instagram mu byo yari yise Instagram Live akanabirarikira abamukurikira.

Umuhanzikazi Sunny Dorcas Ingabire aricuza igikorwa yakoze

Abamukurikiye akiri no muri uku kwiyerekana, bamubwiraga amagambo atandukanye harimo abamubwira ko ibyo akoze bidakwiye umuhanzikazi w’umunyarwanda, byongeyeho w’umubyeyi dore ko afite umwana ubu w’imyaka 11, abandi batangira kumuhimba amazina ahuzwa n’umukobwa wicuruza cyangwa witesha agaciro.

Nyuma y’iminsi ibiri akoze ibi, Sunny yarebye ubutumwa bw’abamwandikiye ngo asanga ibyo yakoze ntibyari bikwiye ndetse abwira bamwe mu nshuti ze ko yicuza igikorwa yakoze cyo kwigaragaza muri ubwo buryo bwashyize imyanya ye y’ibanga hanze.

Abinyujije mu buryo bwa Live busa nk’uko yari yabikoze ku cyumweru, Sunny yagize ati “Sinzi ibyo nakoze mu ijoro ryashize, ariko nabikoze nasinze. Nakoze ibidakwiye imbere y’ibihumbi by’abankurikira kandi barimo n’abadafite nibura imyaka y’ubukure. Ku bw’ibyo ndasaba imbabazi kuko nabikoreshejwe n’inzoga.”

Umuhanzikazi Ingabire Sunny Dorcas uri muri Kenya, yatunguranye ubwo yarimo aganira n’abakunzi be ku rubuga rwa Instagram akuramo imyambaro yambara ubusa

Sunny Dorcas Ingabire utuye muri Kenya, yari amaze iminsi ari we ugarukwaho cyane ku mbuga nkoranyambaga kubera ibyo yakoze ku munsi wo ku cyumweru ndetse benshi bamushinja kwiyandarika no kwangiza isura y’ubuhanzi bwe.

Uretse kuba umuhanzi w’indirimbo nka Kungola, ni n’umucuruzi w’imyenda n’ibirungo by’ubwiza ku bagore aho afite amaduka abiri muri Kenya aho atuye, akanakorera ubucuruzi mu bihugu nka Thailand na Vietnam.

Tanga Igitekerezo ukoresheje Facebook

SHARE