Umuherwe wo mu Bufaransa yakuye ku mwanya wambere, umunyamerika wari uyoboye abakire batunze cyane ku isi

Bernard Arnault ubu niwe uyoboye abaherwe bo ku isi, uyu mugabo wo mugihugu cy’Ubufaransa, aje kuri uyu mwanya, ahigitse umunyamerika witwa Jeff Bezos wubatse izina rikomeye mu bucuruzi bwo kuri internet binyuze ku rubuga Amazon.

Jeff Bezos mu bijyanye n’agaciro, byamugabanyijeho miliyoni $760 kagera kuri miliyari $115.6, ibintu byatumye ahita atakaza umwanya wa mbere mu baherwe ba mbere ku Isi, ajya ku mwanya wa kabiri ku rutonde rukorwa na Forbes.

Umwanya wa mbere wafashwe na Bernard Arnault, umuyobozi mukuru w’ikigo gikora ibijyanye n’imirimbo, LVMH.

Bernard Arnault, ubu niwe uyoboye abandi baherwe ku isi

Ubutunzi bwa Arnault mu migabane bwiyongereyeho miliyari $1.9 kuri uyu wa Gatanu, nyuma y’uko agaciro k’imigabane muri LVMH kazamutseho 0.7%.

Ubu uyu mutunzi w’umufaransa arabarirwa umutungo uri muri miliyari $117, zivuye kuri miliyari $102 yari afite mu mezi ane ashize.

Arnault ubu ararusha miliyari $7 Bill Gtares washinze uruganda rwa Microsoft, uri ku mwanya wa gatatu, inyuma ya Arnault na Bezos.

Imibare yerekana ko Gates yagombaga kuba ari we mukire kurusha abo bombi, iyo ataza kuba yaratanze miliyari $35.8 n’ubu agikomeje, mu bikorwa binyuranye by’ubugiraneza.

Jeff Bezos, yavuye ku mwanya wambere

Mu minsi ishize Arnault yagiye anyura kuri Bezos ku rutonde rw’abaherwe inshuro zitandukanye, iheruka ni mu Ukuboza. Forbes ivuga ko kuba imitungo yabo itarimo ikinyuranyo kirenze miliyari ebyiri, bazakomeza gusimburana mu myanya ya mbere.

Tanga Igitekerezo ukoresheje Facebook

SHARE