Umukinnyi w’ikipe y’igihugu Amavubi Niyonzima Ally, yasinyiye ikipe ya AZAM AZAM yo muri Tanzania.

Umukinnyi w’ikipe y’igihugu Amavubi Niyonzima Ally yarangije gushyira umukono ku masezerano y’imyaka ibiri akinira ikipe ya AZAM yo muri Tanzania.
 
Niyonzima Ally umaze iminsi ari mu gihugu cy’u Burundi, yaehrukaga gutangaza ko hari amakipe atandukanye ari kuvugana na we gusa ko atari yafata icyemezo cy’iyo azerekezamo.
Umukinnyi w’ikipe y’igihugu Amavubi Niyonzima Ally yarangije gushyira umukono ku masezerano y’imyaka ibiri akinira ikipe ya AZAM
Kuri uyu wa gatandatu tariki ya 1 Kanama 2020 ni bwo Ally Niyonzima birangiye ahisemo gusinyira AZAM FC izahagararira Tanzania mu mikino ya Confederation Cup aho iyi kipe yabitanagej ibicishije ku rubuga rwa Instagram bagira bati:
 
“AZAM FC yasinyishije umukinnyi w’umunyarwanda Ally Niyonzima. Uyu mukinnyi akaba yaguzwe nyuma yo kubigirwaho inama n’umutoza mukuru w’ikipe Aristica Cioaba”.

Niyonzima Ally nubwo yerekeje muri Tanzania akaba akomeje gusaba ikipe ya Rayon Sports by’umwihariko umuyobozi wayo Munyakazi Sadate kumwishyura ibyo bavuganye, birimo imishahare ye hamwe n’amafaranga yari yaguzwe ubwo yavaga muri Oman.

Uyu mukinnyi wo hagati wakiniye Amavubi muri CHAN 2018 yabereye muri Marooc, yatangaje ko ubwo imipaka izaba yemerewe kongera kugendwa azahita aza mu Rwanda gukurikirana icyo kibazo cye.

Abaye umunyarwanda wa kabiri ukiniye ikipe ya AZAM nyuma ya Mugiraneza Jean Baptiste Migi.

Ku wa 30 Kanama 2017 ni bwo Niyonzima Ally yasinyiye AS Kigali amasezerano y’imyaka ibiri, avuye muri Mukura Victory Sports, atanzweho miliyoni 10 Frw mbere y’uko ayivamo mu ntangiriro za 2019.

Yaguzwe na APR FC muri Gashyantare 2019 avuye muri AS Kigali ku masezerano y’amezi atandatu, ayivamo muri Kanama ajya muri Oman.

Nyuma yo kuva muri Oman muri Mutarama uyu mwaka Ally Niyonzima yerekeje muri Rayon Sports aho yabasinyiye amasezerano y’amezi atandatu ndetse anabatsindira ibitego bibiri mu mikino ibiri baherukaga gukina muri shampiyona.

Tanga Igitekerezo ukoresheje Facebook

SHARE