Umukinnyi w’umupira w’amaguru wakunzwe cyane mu gihugu cy’ubudage yongeye kuboneka ari muzima nyuma y’imyaka Ine apfuye

Umukinnyi w’umupira w’amaguru wahoze akinira ikipe ya Schalke 04 yo mu gihugu cy’ubudage yongeye kuboneka ari muzima kandi ameze neza nyuma y’uko hari hashize imyaka 4 bizwi neza ko yapfiriye mu mpanuka yabaye muri Mutarama 2016.

Hiannick Kamba ufite inkomoko mu gihugu cya Kongo, yazamukiye mu ikipe y’abakiri bato ya Schalke 04 ndetse ubwo byatangazwaga ko yitabye imana mu mpanuka y’imodoka agaruka iwabo muri Kongo yakinaga mu ikipe ya Vfb Huls, ikipe yanafashije umuryango we mu kumusezeraho mu cyubahiro ndetse igafasha n’umuryango we wari usigaye.

Kamba w’imyaka 33 ni umwe mu bakinnyi barerewe mu gihe kimwe n’umunyezamu ukomeye cyane ku isi Manuel Nueur ubwo bari bakiri bato mu ikipe ya Schalke 04 yo mu gihugu cy’Ubudage.

Umukinnyi w’umupira w’amaguru wahoze akinira ikipe ya Schalke 04 yo mu gihugu cy’ubudage yongeye kuboneka ari muzima

Nkuko ikinyamakuru Bild cyabitanagaje Kamba yabonetse mu gace ka Gelsenkirchen gaherereye mu burengerazuba bw’Ubudage hafi cyane na Dortmund, nk’umutekinisiye mu ruganda yahoze akoramo n’ubundi mu myaka yashize.

Nyuma y’uko uyu mugabo agaragaye kandi byari byemejwe neza ko yitabye imana, Ubushinjacyaha bwatangaje ko umugore we agomba gukurikiranwa nk’umuntu wakoresheje impapuro zigaragaza ko umugabo we yapfuye akajya kubaza amafaranga muri kompanyi z’ubwishingizi, ibintu bifatwa nk’amanyanga,akaba agomba gukurikiranirwa akabiryozwa.

Muri make arashinjwa gucurisha ibyangomwa byemeza ko umugabo we yapfuye, gusa ibi byose uyu mugore abitera utwatsi avuga ko abeshyerwa.
Kamba wasabye ibyangombwa bimwemerera kuba mu gihugu cy’Ubudage imyaka ibiri ishize biravugwa ko azitabazwa nk’umutangabuhamya rukumbi anasobanura neza uko ibintu byagenze.

Hiannick Kamba byari bizwiko yaguye muri iyi mpanuka

Hiannick Kamba mu ikipe ya Schalke 04

Amakuru dukesha talkSport yerekana ko ababyeyi ba Kamba birukanwe mu gihugu cy’ubudage muri 2005 ariko we akaza kwemererwa kuhaguma kuko yari akiri umwana warerwaga mu ikipe ya Schalke 04 kandi akihafite amasezerano, ndetse Kamba atangaza ko inshuti ze arizo zasize zimwambuye ubwo yakoraga impanuka muri 2016 bakamutwara ibyangombwa, amafaranga ndetse na Telephone ye igendanwa.

Umukinnyi w’umupira w’amaguru wakunzwe cyane mu gihugu cy’ubudage yongeye kuboneka ari muzima nyuma y’imyaka Ine apfuye

Tanga Igitekerezo ukoresheje Facebook

SHARE