Umukobwa wari uhagarariye Kenya, yegukanye ikamba rya Miss Africa Calabar 2019, uwari ahagarariye u Rwanda ataha adakozemo

Mu marushanwa y’ubwiza ya Miss Africa Calabar 2019, ikamba ryegukanywe na Irene Ng’endo Mukii wari uhagarariye igihugu cya Kenya, naho Tania Muvunyi wagiye muri aya marushanwa ahagarariye u Rwanda ataha nta kamba na rimwe yambitswe.

Miss Africa Calabar 2019 ni irushanwa ngaruka mwaka ryabaye kunshuro yaryo ya Gatatu, ryasojwe kuri uyu wa 27 Ukuboza 2019 mu mujyi wa Lagos mugihugu cya Nigeria.

u Rwanda narwo rwari ruhagarariwe muri aya marushanwa, umukobwa witwa Tania Muvunyi niwe wari waduserukiye gusa ntiyegeze agaragara no mu bakobwa ba 5 bambere.

Miss Africa Calabar 2019 yahawe Sheki y’amadorali 35,000 ndetse bazamufasha no gutunganya imishinga ye nka Nyampinga wahize abandi.

Muvunyi Tania yari ahagarariye u Rwanda

Irene Ng’endo Mukii wabaye Miss Africa Calabar 2019 asanzwe afite ikamba rya Miss Progress Kenya 2019/2020 n’ikamba rya Miss Jkuat 2018/2019 ndetse ni umunyeshuri mu mwaka wa Gatatu wa Kaminuza ya Jomo Kenyatta, yiga ibijyanye n’imibare. Yambitswe ikamba asimbura Kasine wo muri Repubulika Iharanira Demokarasi ya Congo (RDC)

Miss Africa Calabar 2019,Irene Ng’endo Mukii yagaragiwe nibisonga bye harimo  Daniella Lopes wo muri Angola wabaye igisonga cya Mbere ndetse na Ethel Maimela wabaye igisonga cya kabiri.

Tanga Igitekerezo ukoresheje Facebook

SHARE