Umukozi w’Imana, Apotre Gitwaza yaguze urusengero rw’agatangaza muri Amerika ruhagaze miliyari 7(Amafoto)

Intumwa y’Imana Dr Paul Gitwaza usanzwe ari umuyobozi mukuru w’itorero rya Zion Temple mu Rwanda no mubindi bihugu bitandukanye, yaguze urusengero rw’agatangaza muri Leta zunze ubumwe za Amerika.

Biravugwa ko uru rusengero yarutanzeho akayabo kangana na milioni 8 z’amadorali, uyashyize mu mafranga y’u Rwanda ni agera kuri miriyali 7 frw.

Intumwa y’Imana Dr Paul Gitwaza usanzwe ari umuyobozi mukuru w’itorero rya Zion Temple mu Rwanda

Apostle Dr Paul Gitwaza muri iyi minsi ntakigaragara mu Rwanda cyane kuko akenshi akunze kuba ari muri Amerika, aho asigaye akorera umurimo w’ivugabutumwa.

Itorero rya Zion Temple, rifite icyicaro gikuru mu Rwanda, aho bita mu Gatenga, biravugwako icyicaro gikuru cy’iri torero gishobora guhita kijyanwa muri Leta zunze ubumwe za Amerika ahubatse uru rusengero.

Uru rusengero ruherereye mu Mujyi wa Dallas. Ubusanzwe rwari urw’umuvugabutumwa witwa Dr Mike Murdock yarushakagamo agera kuri miliyoni 13 z’amadorali ya Amerika, gusa Apotre Gitwaza yaruguze miliyoni umunani z’amadolari zizishyurwa mu gihe cy’imyaka itanu nyuma yo kumusaba ko yabagabanyiriza.

Uru rusengero ruri muzihagazeho muri Amerika

Ni urusengero runini cyane nkuko bigaragara mu mafoto, ruri mu kibanza kinini, rufite parikingi nini. Rufite kandi icyumba cyo gusengeramo, ibyumba by’inama, Icyumba cya Biro, icyumba cya televiziyo n’ibindi.

Apotre Dr Gitwaza yabwiye abakristo be kuri iki Cyumweru ko amaze kubwirwa na Dr Murdock, amafaranga yifuzwaga kuri uru rusengero yahise atungurwa kuko yumvaga ari menshi cyane.

Dr Murdock usanzwe ari umuvugabutumwa yabwiye Apotre Dr Gitwaza ko Imana yamubwiye ko amuha urwo rusengero. Gitwaza ati “Bamuhaye amafaranga miliyoni 13 z’amadolari, njye yarabimbwiye ngira ngo ni inkuba zikubise mu matwi, nagize ukwizera guke ariko nabisabiye imbabazi. Arambwira ati wowe ndumva iyi nzu Imana yambwiye ngo nyiguhe, anshyira mu mutego arambwira ngo urampa angahe ndananirwa, natashye ntavuze.

“Namubwiye ayo nshobora kumuha bwa mbere ariko sinayavuga hano kuko ateye isoni, ariko nyuma […] ndabaza, ngisha inama, nandikira n’inshuti yanjye nti nakoze ishyano. Irambwira iti ntutinye Murdock ni umubyeyi.” Nyuma yo kubwira Dr Murdock ko nta mafaranga afite, yaje kubakuriraho miliyoni 5, hasigara miliyoni 8 nayo bamusaba ko yabemerera bakazayishyura mu myaka itanu, Dr Murdock arabemerera.

Imbere murusengero ni uku hateye

Kwishyura ikiguzi cy’uru rusengero Apotre Paul Gitwaza yavuze ko Imana ari yo izabashoboza bakavamo uwo mwenda ndetse akazabifashwamo n’abakristo be.

Tanga Igitekerezo ukoresheje Facebook

SHARE