Search

UmunyaChad Moussa Faki niwe watorewe kuyobora Umuryango wa Afrika y’unze ubumwe (amafoto)

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Moussa Faki Mahamat umunyapolitiki ukomoka mu gihugu cya Chad niwe watorewe kuba umuyobozi w’umuryango w’Afrika y’unze ubumwe. Akaba asimbuye kuri uy’umwanya Dr Nkosazana Dlamini-Zuma.

Moussa Faki Mahamat yari Minisitiri w’ububanyi n’amahanga wa Chad ariko ubu agiye kuyobora AU.

Moussa Faki Mahamat w’imyaka 56 ubusanzwe yari Minisitiri w’ububanyi n’amahanga wa Chad, akaba yatsindiye uyu mwanya wo kuyobora umuryango w’afrika y’unze ubumwe mu matora yabereye Addis Ababa muri Ethiopie, ahari kubera inama ya 28 y’Abakuru b’ibihugu bigize umuryango w’Afrika y’unze ubumwe.

Moussa Faki yegukanye uy’umwanya nyuma yo gutsinda mu cyiciro cya nyuma Umunyakenya Amani Mohamed nawe uyobora Minisiteri y’ububanyi n’amahanga ya Kenya.

Umunya-Ghana Thomas Kwesi yatowe nk’umuyobozi wungirije wa Komisiyo y’umuryango w’Afrika y’unze ubumwe.

Muri ayamatora u Rwanda rwari rwaragaragaje ko rushyigikiye Mohammed wo muri Kenya, ndetse ubuyobozi bw’igihugu cye bwagerageje kumushakira amajwi bishoboka nubwo byarangiye adatowe.

Tubibutse kandi ko aya matora yabaye nyuma yuko yari yarabanje gukorwa mu nama y’uyumuryango ya 27 yabere i Kigali mu mwaka wa shize ariko birangira asubitswe bitewe nuko ntamukandida wigeze ugira byibuze bibiri bya gatatu byamajwi yose. Nibwo yahitaga yimurirwa muri Mutarama uyu mwaka wa 2017.

Moussa Faki Mahamat asimbuye kuri uyu mwanya umunyafrika y’epfo Dr Nkosazana Dlamini-Zuma wari usoje manda ye y’imyaka ine ayobora uy’umuryango utarigeze yifuza kwongera kwiyamamaza.

Moussa yanabaye Minisitiri w’intebe wa Chad kuva muri 2003 kugeza muri 2004.

Uyu mugabo watanzwe nk’umukandida na Perezida Idriss Déby Itno wari uyoboye AU ariko nawe akaba yamaze gusimburwa na Alpha Condé, Perezida wa Guinée.

Moussa Faki yagiye ayobora imyanya ikomeye muri politike ya Chad.

 

Ivan Heritier

Comments

comments




Leave a Reply

Your email address will not be published. Required fields are marked *