Umunyana Shanitah wari uhagarariye u Rwanda mu marushanwa y’ubwiza ya Miss Supranational 2019, yatashye atagaragaye no mubakobwa 20 bambere muri 79 bari bahanganye

Umunyana Shanitah umukobwa wari watoranyijwe guhagararira u Rwanda mu marushanwa y’ubwiza, Miss Supranational 2019 yaberaga muri Espagne, yatashye amara masa kuko atigeze anagaragara mu bakobwa 20 ba mbere muri 79 bari bahanganye.

Ikamba rya Miss Supranational 2019 , ryegukanwe na Miss Anntonia Porsild w’imyaka 22 wari ahagarariye igihugu cya Thailand.

Igisonga cya mbere cyabaye umukobwa wari uhagarariye Namibia, igisonga cya kabiri yabaye uhagarariye Indonesia, igisonga cya gatatu yabaye uhagarariye Peru, mu gihe igisonga cya kane yabaye uhagarariye Venezuela.

Umunyana Shanitah yari ahagarariye u Rwanda

Mbere y’uko batangaza uwegukanye ikamba babanje gutangaza 25 ba mbere batigeze bagaragaramo Umunyana Shanitah wari uhagarariye u Rwanda, bivuze ko yari amaze gusezerwa kimwe na bagenzi be batigeze baza muri iyo myanya y’imbere.

Iri rushanwa ryari ryitabiriwe n’ibihugu bitandukanye birimo Colombia, Argentina, Ireland,Iceland, Dominican Republic, Singapole, Panama, Puerto Rico, Leta zunze Ubumwe za Amerika, Pologne, New Zeland, Namibia, Trinida and Tobago, Mexique, u Buhinde, Guatemala, Philippines, Thailand, Cameroon, Vietnam, u Buholandi, Czech Republic, Venezuela, Indonesia na Peru.

Shanitah ntiyahiriwe n’urugendo

Umunyana Shanitah niwe wegukanye ikamba rya Miss Supranational 2019 mu Rwanda , ibi byahise bimuhesha amahirwe yo kwitabira Miss Supranational ku rwego rw’Isi. Uyu mukobwa yanabaye igisonga cyambere muri Miss Rwanda 2019.

Tanga Igitekerezo ukoresheje Facebook

SHARE