Umunyarwanda Didier Munyaneza atwaye isiganwa ry’umukino w’amagare rya Senegal

Umunyarwanda witwa Didier Munyaneza bakunda kwita Mbappé atwaye isiganwa ry’umukino w’amagare rya Senegal. Munyaneza yari amaze igihe kirekire afite umwenda w’umuhondo uhabwa uwasize abandi.

Munyaneza w’imyaka 21 yakomeje guhangana muri iyi Tour du Sénégal kugeza ubwo hakinwaga agace ka nyuma kasorejwe i Dakar ku ntera ya Km 120.

Munyaneza Didier wa Benediction Excel Energy yegukanye Tour du Senegal

Tour du Sénégal y’uyu mwaka iri ku rwego rwa 2.2, yitabiriwe n’amakipe 11 arimo na Benediction Excel Energy yo mu Rwanda.

Iri siganwa ni ryo rikomeye ribera muri kiriya gihugu mu mukino w’amagare, amakipe yaryitabiriye arimo iyavuye mu Budage, Slovakiya, Cote d’Ivoire, Gambia, Congo Kinshasa, u Rwanda, Bénin, Guinée Conakry na Sénégal.

Basiganwe intera ya Km 1 000, bageze mu Ntara za Senegal zirimo Kolda, Ziguinchor, Saint-Louis, na Thiès, baca mu migi nka Cap Skirring, Ndangane, Nguéniène, Saly ndetse na Dakar aho basoreje.

Tanga Igitekerezo ukoresheje Facebook

SHARE