Search

Umunyarwandakazi, Clarisse Iribagiza yashyizwe kurutonde rw’abantu 10 b’abanyafurika bigaragaje neza muguhanga udushya, bigahindura ubuzima bwa benshi mu batuye uyu mugabane.

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Radio Mpuzamahanga y’Abafaransa, RFI yashyize ahagaragara urutonde rw’Abanyafurika 10 bigaragaje neza mu guhanga udushya mu ikoranabuhanga, harimo n’umunyarwandakazi Iribagiza

Uru rutonde rurimo urubyiruko rutandukanye ruturuka mu bihugu bya Afurika nka Nigeria, Kenya, Afurika y’Eepfo, Burkinafaso n’u Rwanda  ku mwanya wa mbere RFI yahashyize umunyakameruni Arthur Zang, wakoze igikoresho kimenyerewe ku izina rya Cardio Pad.

Iyi Cardio Pad ntoya yakoze mu 2011 afite imyaka 24 ifite ubushobozi bwo gukurikirana umurwayi w’umutima aho aherereye hose mu ntera ikoherereza (ku giciro gito cyane) muganga we kuri telefone igendanwa ibisubizo by’uko umutima we urimo gutera.

IribagizaIribagiza yashyizwe ku rutonde rw’abakiri bato 100 bahiga abandi ku Isi ku ikoranabuhanga

Uyu musore w’imyaka 28 wanegukanye igihembo cya Prix Rolex nk’uwagize igitekerezo gihindura ubuzima bwa benshi mu ikoranabuhanga,  ateganya kuyikora noneho mu buryo bwa ‘electrocardiogrammes’ buha iyi Pad ubushobozi bwo koherereza ibisubizo by’umurwayi w’umutima ku baganga b’umutima 40 bo mu gihugu cye cya Cameruni.

Ku mwanya wa kabiri RFI yahashyize Umunyafurika y’Epfo Ashley Uys ku myaka 33 wabashije nawe guhindura mu 2010 ubuzima bw’abaturage bakennye bo mu gihugu cye abakorera uburyo yise ‘Medical Diagnostech”.

Ubu ni uburyo mu minota 30 bwerekana niba umurwayi wa malariya ameze nabi. Ashley yagurishije mu 2013 uburyo bwa Oculus ID  bw’ikoranabuhanga muri telefoni ngendanwa bufasha ababyeyi kumenya niba abana babo banyoye ibiyobyabwenge, cyane cyane abavanze bazwi nka métis muri Afurika y’Epfo, aho bimaze kuba icyorezo mu bakiri bato aho yakuriye.

Ku mwanaya wa gatatu hari umunyanigeriyakazi Ola Orekunrin w’imyaka 29. Ola usanzwe atwara indege (pilote). Ngo nyuma yo kubona urupfu rwa murumuna we w’umuhererezi ari mu biruhuko iwabo, yagize igitekerezo cyo gushyiraho uburyo bwo gutwara indembe muri za kajugujugu mu bihugu by’uburengerazuba bw’Afurika bwitwa Flying Doctors Kugeza ubu abarwayi 500 bakaba bamaze kurengerwa n’ubu butabazi mu myaka itatu.

Ku mwanya wa kane haraza Yacouba Sawadogo uzwi ku izina rya ‘professeur’ iwabo muri Burikina Faso n’ubwo atazi gusoma.

Yacouba azwiho kuba ‘umuntu wahagaritse ubutayu’ nk’uko icyegeranyo cy’Abongereza cyabimwitiriye mu 2010. Yateye hegitari 15 z’ishyamba mu cyaro cy’iwabo, Gourga. Mu buryo bwe bwihariye ngo yacukuraga icyobo kigari cyane kandi kirekire, kugira ngo ateremo ibiti mu rwego rwo kugira ngo hagumane amazi y’imvura igihe kirekire.

Jill Farrant, umwarimukazi w’ibinyabuzima (Biologie) muri kaminuza ya Cap muri Afurika y’Epfo w’imyaka 54, we yamenyekaniye ku guhindura uturemengingo tw’ibimera kugira ngo bibashe gukomeza kubaho no mu gihe cy’izuba ryinshi.

Ku mwanya wa gatandatu haza François Sylla w’imyaka 33 wavukiye Lome muri Togo.

ku mwanya wa karindwi haza Ory Okolloh umunyamategeko muri Kenya ku myaka 38.

Okolloh wagize impinduka muri sosiyete ya Kenya aho nyuma yo kuva muri kaminuza ya Havard muri Leta zunze ubumwe z’Amerika yakoze urubuga rwa Mzalendo (abakunda igihugu) kugira ngo akurikirane buri munsi ibibera mu nteko inshinga amategeko ya Kenya. Yakoze kandi Ushahidi (umutangabuhamya), rufasha abatangabuhamya ku mvururu zakurikiye amatora yo mu 2007 zanagarutse ku mutwe wa perezida uriho ubu wa Kenya na Visi-perezida we William Ruto. Uru rubuga rwemerera abaturage kohereza amakuru yabo yose haba ku butumwa bugufi, sms, email, Twitter na interineti berekana aho icyaha bavuga cyabereye bakoresheje Google Map.

Ku mwanya wa munani haza Umunyanigeria, Jason Njoku, wamenyekaniye ku gukora urubuga rukwirakwiza amafilime nyafurika cyane cyane izo mu rurimi rw’iwabo rwitwa Yorouba.

Ku mwanya ubanziriza uwa nyuma haza Stafford Masie wiswe Umuyobozi wa Google muri Afurika y’Epfo mu 2007.

Stafoord w’imyaka 40 azwi kuri sosiyete Thumbzup  yashinze mu 2010 imufasha kugurisha udukarita dukorana na telefone zo mu bwoko bwa smartphone dukoreshwa n’abacuruzi mu gushyiraho ibiciro hifashishijwe amakarita y’imyenda mu buryo bworoshye.

Umunyarwandakazi w’imyaka 27, Clarisse Iribagiza yatoranyijwe n’uru rubuga rwa RFI nk’umuntu ukiri muto wabashije gushinga uburyo bwo muri telefone ngendanwa bwa He HeHe Labs akiga mu 2010. Hehe Labs ifasha ibigo by’ubucuruzi guhura n’umukiliya akamenya aho igicuruzwa ashaka kiri.

Kugeza ubu Iribagiza ayobora sosiyete yinjiza amadolari ibihumbi magana abiri (200.000) buri mwaka, akaba anatanga amahugurwa ku banyeshuri mu bijyanye n’ikoranabuhanga kuri mashine mu gihe cy’amasomo.

Kanda Hano ukomeze udukurikire kuri facebook kanda hano, kuri twitter kanda hano, kuri youtube kanda hano, bizajya bikorohera guhita ubona amakuru yacu muburyo bwihuse.

Comments

comments




One thought on “Umunyarwandakazi, Clarisse Iribagiza yashyizwe kurutonde rw’abantu 10 b’abanyafurika bigaragaje neza muguhanga udushya, bigahindura ubuzima bwa benshi mu batuye uyu mugabane.

  1. ntabanganyimana

    Ariko Mujye Muduha Amakuru afite Umurongo Atavangavanze, Uvuze Ama Dollars Ibihumbi Magana (200,000frws)
    vraiment biravangavanze si amanyarwanda, si n’ama dollars.

    mujye muba pause muduhe amakuru mutuje,

    Reply

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.