Umunyarwandakazi Peace Hoziyana yasezerewe mu irushanwa rya East Africa’s Got Talent

Ku mugoroba wo kuri iki cyumweru taliki ya 29 Nzeri 2019, umunyarwandakazi Peace Hoziyana yasezerewe mu irushanwa ry’abanyempano rya East African Got Talent ririkubera mugihugu cya Kenya.

Peace Hoziyana yanyuze imbere y’abagize akanama nkemurampaka ari uwa kabiri, afite iminota ibiri yo kwiyerekana cyane ko ariyo igenerwa buri wese muri iki cyiciro.

Peace yasezerewe muri East African Got Talent

Akanama nkemurampaka kagizwe n’Umunyarwandakazi Makeda Mahadeo, Umunya-Kenya Jeff Koinange, Umunya-Uganda Gaetano Kagwa n’umunyamakuru akaba n’umuhanzikazi wo muri Tanzania, Vanessa Mdee.

Mbere yo kujya ku rubyiniro hanyujijweho amashusho agaragaza uyu mukobwa avuga ukuntu yashimishijwe na Makeda wamuhaye itike yo gukomeza muri iki cyiciro cyane ko abandi bari banze imiririmbire ye.

Uyu mukobwa wumvako afite ijwi ryiza muguhogoza, kuri iyi nshuro ntabwo yabashije kwemeza abari bagize akanama nkemurampaka harimo na Makeda wari wamuhaye itike yo kugera muri iki cyiciro.

Bifashishije ubutumwa bwagiye bwoherezwa nabatoraga kuri telephone ndetse n’amanota yagiye atangwa n’abagize akanama nkemurampaka, uyu mukobwa yabwiweko asezerewe muri aya marushanwa.

Kuri ubu abasigaye bahagarariye u Rwanda muri East African Got Talent, ni itsinda ryitwa intayoberana rigizwe n’abana bato babyina imbyino gakondo.

Irushanwa rya East Africa’s Got Talent, uzaryegukana azahabwa akayabo k’ibihumbi 50$ by’idorali.

 

Tanga Igitekerezo ukoresheje Facebook

1 IGITEKEREZO