Search

Umunyarwandakazi umaze umwaka umwe muri Amerika ari mu bahatanira ikamba rya Nyampinga muri iki gihugu

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Agatako Ntawanga Au’lionne “Auly” Umunyarwandakazi umaze umwaka umwe aba muri Leta Zunze Ubumwe za Amerika, ari mu bahatanira ikamba rya Miss US International 2018. Yamaze kurenga amajonjora yose ubu ari mu bazahatana mu cyiciro cyanyuma akaba asaba Abanyarwanda kumushyigikira.

Agatako Ntawanga Au’lionne bakunze kwita ‘Auly’ mu bahataniye ikamba rya Miss US International2018.

Agatako w’imyaka 21 y’amavuko, yavukiye mu murenge wa Kacyiru, akagali ka Kamutwa mu karere ka Gasabo. Amashuri y’isumbuye yayasoreje muri Groupe Scolaire Notre dame d’Afrique ku Nyundo mu karere ka Rubavu.

Yagiye kuba muri Leta Zunze Ubumwe za Amerika umwaka ushize nyuma yuko yari abonye ‘Green Card’ agenda wenyine nta wundi muntu bajyanye.

Uyu mukobwa avuga ko abakiliya ahura nabo buri munsi mu kazi akora nka ‘Cashier’ muri rimwe mu masoko yo muri Amerika, aribo bamuteye imbaraga zo kwitabira aya marushanwa bitewe nuko nyuma yo kubaha serivisi bamubwiraga ko ashoboye ndetse ko ari umunyamideli mwiza.

Ibi ngo nibyo byamuteye gufata umwanzuro akajya mu marushanwa ya Miss US International biranamuhira atoranywa mu bazahagararira Leta ya Connecticut, akaba ategereje kujya guhatana mu cyiciro cyanyuma kizabera muri West Virginia.

Avuga kandi ko yitabiriye iri rushanwa mu rwego rwo gushishikariza abakiri bato kwitinyuka bagakora ibishoboka mu nzira nyazo byahindura ubuzima bwabo.

Agatako akaba asaba Abanyarwanda kuzamushyigikira muri iri rushanwa bamutora ubwo imirongo yo gutoreraho izaba itangiye ndetse n’ubundi bufasha bwari bwo bwose.

Auly uri mu bazahagararira Leta ya Connecticut muri Miss US International 2018, arasaba Abanyarwanda kumushyigikira bamutora.

 

 

Ivan Heritier

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.