Search

Umunyarwandakazi yaherewe igihembo gikomeye mu iserukiramuco rya Sinema muri Australia

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umunyarwandakazi Umuhire Elianne umenyerewe cyane mu mwuga wa Sinema mu Rwanda, yahawe igihembo gikomeye mu iserukiramuco rya sinema ryabereye muri Australia.

Umununyarwandakazi yaherewe igihembo gikomeye mu iserukiramuco rya sinema muri Australia

Umuhire Elianne yegukanye iki gihembo kuwa 20 Mata 2018, mu iserikiramuco ryabereye muri Australi a ryiswe CEE Urania. Aba yarabaye umukinnyi witwaye neza muri filime yashyize hanze muri  Kamena 2017  yitwa ‘Birds Are Singing in Kigali’.

Iyi filime ye yatumye yegukana iki gihembo,ikubiyemo ubutumwa bugaruka cyane ku mateka ya Jenoside yakorewe Abatutsi mu Rwanda muri Mata 1994, ikaba ibumbatiye ibyaranze icyo gihe kuva muri Mata kugeza muri Nyakanga.

Uretse no kuba iyi filime itumye Umuhire Elianne yegukana igihembo mu iserukiramuco, iherutse kumuhesha igihembo mu cyiciro  cy’abagore mu iserukiramuco rya Karlovy Vary International Film Festival (KVIFF) ryamaze iminsi umunani ribera muri Repubulika ya Czech ku nshuro ya ryo ya 52 muri 2017.

Nyuma yo kwegukana igihemo, Umuhire yanditse amagambo ashimira ndetse ko by’umwihariko atewe ishema ryinshi no kuba yagize amahirwe yo guhabwa igihembo.

Yagize ati”Nk’uko twari dutegereje amafoto […] ejo nongeye kugira umugisha mpabwa ikindi gihembo, mu iserukiramuco rya Let’s CEE Urania mba umukinnyi witwaye neza muri filime ndende. Ni iby’ikirenga kuri njye, byongeye kuntera imbaraga.”

Yaboneyeho umwanya wo gushimira umuntu wese waba yaragize uruhare agaragaza rwo kumufasha harimo n’umuryango we , avuga ko ibyo yagezeho abekesha ubufatanye bwabo kuko iyo batahaba byari kuba ingora bahizi ko yabigeraho.

Yagize ati”Iyo ntagira abantera ingabo mu bitugu ntabwo mba ngeze aha. Ibi mbikesha inshuti, umuryango, abo twakinanye muri iyi filime ndetse n’abandi bahanzi bagenzi banjye. Nongeye mbisubiremo mwarakoze cyane!”

Umuhire yavuze ko ashimira byimazeyo Hope Azeda na Carole Karemera kuko bamufashije kuva ku munsi we wa mbere atangira umwuga wo gukina filime. Yifuza kuzagira umunyempano muri sinema afasha kugera kure.

KWIZERA Juvenal-Ibyamamare.com

 

Comments

comments




Leave a Reply

Your email address will not be published. Required fields are marked *