Umunyarwenya Anne Kansiime yambitswe impeta n’umukunzi we amaze kumurakaza bikomeye, yabonye impeta aramwenyura ati warakoze kunkundana n’ubusazi bwanjye

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Umunyarwenya Anne Kansiime yavuze uko yambitswe impeta n’umukunzi we Skylanta amusaba kumubera umugore nyuma yo ‘kumurakaza’,gusa yahise abimwemerera ndetse arishima cyane.

Aba bombi baheruka kubyarana umwana w’umuhungu.

Kansiime yambitswe impeta

Kansiime umunyarwenya wo muri Uganda wamamaye henshi muri Africa, yabitangaje kuri Instagram agaragaza impeta yambitswe n’umukunzi, ibintu byishimiwe n’abakunzi be benshi.

Yanditse ati: “Nshobora kuba nabonye inshuti y’ubuzima mu byishimo. Skylanta akantukanjye urakoze kunkunda no kumbera ubwihisho.”

Yongeraho ati: “Urakoze kwiyemeza ku busazi bwanjye….”

Nyuma yashyize amashusho y’iminota 12 kuri YouTube avuga uburyo yari yarakariye cyane uyu mukunzi we, fiancé ubu, wari wibagiwe iby’umunsi w’ababyeyi b’abagore uyu mwaka.

Ati: “Ibaze bwa mbere Kansiime abaye umubyeyi maze Sky (Skylanta) yigira nk’uwabyibagiwe, nk’aho uwo munsi nta kinini umubwiye.

“Sky, warantegereje ngo mbyare umuhungu mwiza wacu, wibagirwa kunyifuriza umunsi mwiza w’ababyeyi. Nta n’ururabo yampaye nta n’icyayi cya mukaru yankoreye…Nararakaye mwa bantu mwe…rero narategereje, umunsi umwe nyuma ngo mbigarukeho mu kiganiro.

“Nawe ati nari mfite ibintu byinshi mu mutwe, ariko ntugire ikibazo tuzabyizihiza.”
Mu buryo busekeje, Kansiime yibaza ukuntu uyu mukunzi we yari afite ibintu byinshi mu mutwe kandi ngo baririrwanye mu rugo.

Kansiime aherutse kwibaruka umwana we w’imfura

Ariko, uwo munsi umaze gutambuka nibwo umukunzi we yaje kumwifuriza umunsi mwiza anamwambika impeta yo kumusaba umubano nk’umugore we mu mashusho yafashwe n’uyu mugabo Kansiime yashyize kuri YouTube.

Kansiime na Skylanta mu kwezi kwa kane nibwo bibarutse umuhungu bise Selassie Ataho.

Mu ntangiriro z’uku kwezi kwa gatandatu, Kansiime yatangaje inkuru y’akababaro y’urupfu rwa nyina.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO