Umunyarwenya Kevin Hart yari aburiye ubuzima mu mpanuka ikomeye yakoze, Imana ikinga ukuboko

Umunyarwenya akaba n’umukinnyi wa filime ukomeye muri Amerika, Kevin Hart yakoze impanuka ikomeye we n’uwari umutwaye barakomereka bikomeye.

Iyi mpanuka yabaye kuri iki Cyumweru ahagana saa sita z’amanywa ibera mu mujyi wa Calabasas muri Leta ya California nkuko byatangajwe na CNN.

Polisi yemeje ko Kevin Hart n’uwari umutwaye Jared Black bakomeretse cyane umwe ajyanwa ku bitaro bya Northridge Hospital Medical Center undi ajyanwa kuri Ronald Reagan UCLA Medical Center. Undi mugore umwe wari uri muri iyi modoka ntabwo yakomeretse bikabije.

Polisi yatangaje ko mu byaba byateye impanuka hatarimo ubusinzi kuko ubwo yabaga umushoferi yari muzima.

Jared Black wari utwaye iyi modoka Kevin Hart yari aherutse kugura ubwo yizihizaga isabukuru y’imyaka 40, yaje kunanirwa kuyiyobora ita umuhanda igonga urukuta rw’amabuye.

 

Tanga Igitekerezo ukoresheje Facebook

SHARE