Umunyezamu w’ikipe ya Rayon Sports, Kimenyi Yves, yabwiye umukunzi we Muyango ko ariwe muntu wamuhaye ikintu cyiza kurusha abandi bose kuva yavuka

Umunyezamu w’ikipe ya Rayon Sports, Kimenyi Yves, ku munsi umukunzi we Uwase Muyango Claudine yizihizaho isabukuru y’amavuko, yafashe umwanya amwifuriza kugira isabukuru nziza aho yamwibukije ko ari we kintu cyiza cyamubayeho mu buzima bwe.

Buri tariki 19 Werurwe, Uwase Muyango Claudine bakunda kwita Kibaruma yizihiza umunsi w’amavuko, kuri iyi nshuro akaba yatangiye umunsi yakira amagambo asize umunyu yabwiwe n’umukunzi we.

Umunyezamu w’ikipe ya Rayon Sports, Kimenyi Yves, ku munsi umukunzi we Uwase Muyango Claudine yizihizaho isabukuru y’amavuko

Abinyujije ku rukata rwe rwa Instagram, Kimenyi Yves yifurije Muyango umunsi mwiza w’amavuko amwibutsa ko atari umukunzi we gusa.

Yagize ati “ntabwo uri umukunzi wanjye gusa, uri inshuti nziza nagize mu buzima bwanjye. Ni wowe kintu cyiza cyambayeho mu buzima bwanjye kuva navuka. Uyu munsi ni isabukuru ya we, nkwifurije umunsi mwiza, wishimire umunsi wa we kugera ku ndunduro mukunzi wanjye.”

Urukondo rwa Kimenyi Yves na Uwase Muyango Claudine rwamenyekanye muri Kanama 2019 aho buri umwe yabyemezaga, gusa bakaba barabitangaje nyuma y’ukwezi kurenga bakundana.

Tanga Igitekerezo ukoresheje Facebook

SHARE