Umuramyi Davinshi yanshyize hanze indirimbo yise “Indirimbo yanjye”.Yirebe hano

Nshimiyimana David n’umuhanzi Nyarwanda ukora indirimbo zo kuramya no guhimbaza Imana ku mazina ya Davinshi abifatanya n’ishuli aho yiga Tewolijiya muri Kaminuza akaba n’umuvugabutumwa.

Davinshi yavuye i Majengo mu karere ka Rubavu akurira mu mujyi wa Kigali kur’ubu atuye mu karere ka Rubavu ari naho akunda gukorera ibikorwa bya Muzika n’ubwo anyuzamo akajya gutanga ubutumwa bwiza bwa Yesu Kristo hirya no hino mu Rwanda uko Imana ibimushoboje.

Uyu musore ukiri muto mu myaka amaze gushyira hanze indirimbo zitandukanye, indirimbo zahembuye benshi n’ubu zigisana imitima ya benshi kur’ubu akaba yakoze indirimbo yise “INDIRIMBO YANJYE” indirimbo yakozwe na Captain P ndetse amashusho yayo ayoborwa n’uwitwa Onesme. Mu kiganiro na IBYAMAMARE.COM yatangaje aho yakuye igitecyerezo cyo gukora iyi ndirimbo yise “Izina Ryanjye”.

“Nakuye inspiration kuri Zaburi ya 118 cyane cyane kumurongo wa 14, ariko numwanditsi w’ iyi Zaburi yari yifashishije indirimbo ya Mose Abisiraheri baririmbye bamaze kwambuka inyanja itukura, indirimbo y’ insinzi ivuga ko Uwiteka ari Indirimbo yanjye, Agakiza kanjye, akaba nimbaraga zanjye, muri make nukwerekana uburyo Uwiteka ari byose kuri njye.”

Davinshi umuramyi ubifatanya n’Ivugabutumwa

Davinshi Mu kwandika indirimbo kugira ngo ubutumwa buyikubiyemo bufashe benshi Davinshi avuga ko hari ibyo agenderaho ko mbere yo kuyikora ayishyira abashumba bakareba ko atatandukiriye ibyo Bibiliya yemera.

” Iyo ndikwandika indirimbo nibanda ku bintu byinshi Gusa icy’ingenzi cyane navuga nuko igomba kuba yemeranya na Bibiliya 100% kuko iyo maze kwandika indirimbo mbanza kujyanira na ba pasiteri banjye bakumva niba ntatambikiriye ngo mvuge ibihabanye nibyo Bibiliya ivuga.” Davinshi

Davinshi asanga urubyiruko rukwiriye kugendera kure inzira mbi

Ku bijyanye nizamuka rya muzika akora avuga ko amaze kugera ku rwego rushimishije n’ubwo akizitirwa n’amasomo gusa anezezwa no kuba hari Abanyarwanda batari bacye bamaze kubohoka kubera indirimbo ze. Ku bijyanye no kuba atagaragara cyane mu bitaramo by’ivugabutumwa mu karere ka Rubavu Davinshi avuga ko biri hafi gutungana.

Indirimbo yanjye by Davinshi

Tanga Igitekerezo ukoresheje Facebook

SHARE