Search

Umuraperi Darassa uri mubagezweho muri Tanzania ntiyahiriwe mu gitaramo yakoreye i Kigali (Amafoto)

IBM Radio Listen Live

KANDA HANO UREBE VIDEO

Darassa umwe mu baraperi bakunzwe cyane muri Tanzania, ntiyahiriwe mu gitaramo yaraye akoreye mu mujyi wa Kigali kuko cyitabiriwe n’abantu babarirwa ku mitwe y’intoki mu gihe byari byitezweko kizakwitabirwa kurwego rwo hejuru.

Darassa ntiyahiriwe n’igitaramo yakoreye i Kigali kuko cyitabiriwe n’abantu mbarwa.

Mw’ijoro ryo kuri uyu wa gatanu tariki ya 11 Kanama 2017 nibwo Sharif Thabeet wamamaye mu muziki nka Darassa, yaraye aririmbiye bwa mbere mu mujyi wa Kigali.

Uyu musore umaze kwubaka izina rikomeye iwabo muri Tanzania ndetse no mu karere, azwi cyane mu ndirimbo nka “Muziki” yahuriyemo na Ben Pol; iyitwa “Too Much”; “Hasara Roho”; “Utanipenda”, yakoranye na Rich Mavoko; “Heya Haye”, ahuriyemo na Mr. Blue n’izindi.

Iki gitaramo cy’uyu muhanzi cyari cyabereye ahazwi nka KCEV hahoze hitwa ‘Camp Kigali’, bikaba byari biteganyijwe ko gitangira ku isaha ya saa kumi n’ebyiri z’umugoroba gusa siko byagenze kuko kuri iyo saha ntamuntu wari wakageze aho iki gitaramo cyagombaga kubera, abahageze mbere bahageze ku isaha ya saa moya n’igice.

Abageze ahabereye iki gitaramo byabasabye gutegereza amasaha agera kuri ane ngo kibone gutangira.

Abahageze mbere bategereje byibuze amasaha agera kuri ane ngo igitaramo kibona gutangira, Itsinda ry’ababyinnyi rya Jabba Juniors niryo ryabanje ku rubyiniro ahagana saa yine zishyira saa tanu z’ijoro, ribyina akanya gato abitabiriye igitaramo biganjemo abana n’urubyiruko bava mu dukundi bari biremyemo baregerana.

Darassa wari ugeze mu Rwanda bwa mbere akakirwa n’abafana mbarwa mu gitaramo cye, yanze kuririmbira ku rubyiniro ahubwo yegereye igikundi cyarimo benshi mu bitabiriye atangira kuririmba indirimbo ze zizwi. Yahereye ku yitwa “Too Much” aririmba ajyana n’abafana bacye bari bahari, asoza aririmbye eshatu gusa.

Uyu muhanzi yasoreje ku ndirimbo yise “Muziki” yatumye amenyekana cyane, yayisubiyemo inshuro eshatu, aririmba ajyana mu majwi n’abafana bari bamuhagaze imbere arangije arasezera.

Darassa yavugiye muri iki gitaramo ko kuba yaririmbye yabikoreye kudashaka gutesha agaciro ibyifuzo by’abafana bari bahari. Mu magambo yumvikanamo ugutungurwa n’umubabaro, yagize ati “Ibi mbikoreye icyubahiro n’urukundo, ubusanzwe aho ndirimba haba hari abantu benshi, ntabwo njya ndirimba byifashe gutya.”

 

 

Ivan Heritier

Comments

comments




Leave a Reply

Your email address will not be published. Required fields are marked *