Umuraperi Fireman, ari mu rubyiruko rwasoje amasomo mu Kigo cy’Igororamuco cya Iwawa

Umuraperi Uwimana Francis uzwi mu muziki ku izina rya Fireman, ari mu rubyiruko 1,678 rwasoje amasomo mu Kigo cy’Igororamuco cya Iwawa, kuri uyu wa Gatanu tariki 20 Nzeri 2019.

Abasoje amasomo kuri uyu wa Gatanu ni icyiciro cya 18; bahawe impamyabushobozi z’amasomo y’igororamuco n’imyuga bahuguwemo bari bamaze umwaka biga.

Amezi atandatu ya mbere muri iki kigo bavuwe ibiyobyagwenge. Bamwe muri aba basoje amasomo bize ubuhinzi, ububaji, kudoda n’ibindi.

Iki kigo kimaze gusubiza mu buzima busanzwe urubyiruko rusaga 16,911. Iki kigo kandi gikoresha agera kuri Miliyoni 80 Frw ku mwaka mu kugorora urubyiruko no kwigisha imyuga.

Avuye Iwawa ahakoreye indirimbo “Ntarirarenga” yahuriyemo n’umuraperi Jay C ndetse n’umuhanzi Safi Madiba. Iyi ndirimbo imaze amezi atatu ku rubuga rwa Youtube.

Uyu muraperi yakunzwe mu ndirimbo nka “Ca inkoni izamba”, “Sagihobe”n’izindi.

Tanga Igitekerezo ukoresheje Facebook

SHARE