Umuraperi M-Izzo yarushinze na Clarisse bari bamaze igihe bakundana (Amafoto)

Mbituyimana Eric wamenyekanye cyane mu muziki w’injyana ya Rap nka “M-Izzo” yarushinze na Izabayo Clarisse bari bamaze igihe bakundana.

Kuri uyu wa Gatandatu tariki 14 Nzeri 2019 ni umunsi w’amateka kuri aba bombi kuko aribwo bahamije isezerano ryabo ryo kuzaba akaramata.

M-Izzo wari uherekejwe n’umuryango we, inshuti n’abavandimwe yasabye anakwa Clarisse mu misango yabereye mu busitani bwa St Paul mu masaha y’igitondo, biteganyijwe ko ari naho aba bombi basezeranira imbere y’Imana ku gicamunsi ndetse akaba ari naho abatumiwe bazakwakirirwa.

Mu basore bari bagaragiye M-Izzo hagaragayemo Nizzo Kaboss wo muri Uraban Boyz, umuraperi Babo usanzwe ari inshuti magara ya M-Izzo, Mama Nick eo muri City Maid n’abandi.

M-Izzo yamenyekanye cyane ubwo yakoranaga na Riderman wari inshuti ye magara mu nzu itunganya umuziki y’Ibisumizi, nyuma yaho baje gutandukana kugeza ubu batagicana uwaka.

Yakoze indirimbo zitandukanye zamenyekanye cyane nka ‘Kamugi’, ‘Nayataye’, ‘Inkweto’, ‘Amakuru’ n’izindi nyinshi.

Abasore bari bambariye M-Izzo harimo na Nizzo Kaboss.
M-Izzo yambika umukunzi we Clarisse impeta.

 

Tanga Igitekerezo ukoresheje Facebook

SHARE