Umuraperi w’umunyarwanda YFilla ari mu bahatanira ibihembo bya Nova Scotia Music Award bitangirwa muri Canada

YFilla ni umwe mu baraperi b’abanyarwanda bahagaze neza mu bakorera muzika hanze y’igihugu, kuri ubu yashyizwe mu bahatanira ibihembo bizwi nka Nova Scotia Music Award bitangwa ku banyamuziki bo muri Canada mu ntara ya Nova Scotia.

Nova Scotia Music Award ni ibihembo byatangiye gutwangwa kuva muri 2007, bikaba bitangwa ku banyamuziki n’abafite aho bahurira nawo babarizwa mu ntara ya Nova Scotia iherereye mu burasirazuba bwa Canada ari naho YFilla nawe atuye.

Ubusanzwe ibi bihembo bitangirwa mu birori nyamukuru by’iserukiramuco ngaruka mwaka ry’umuziki rizwi nka Nova Scotia Music Week, muri uyu mwaka iri serukiramuco riteganyijwe gutangira kuri uyu wa Kane tariki ya 7 kugeza kuya 10 Ugushyingo 2019.

YFill ukomoka i Kigali ari guhatana mu cyiciro cy’indirimbo ya hip hop y’umwaka (Hip Hop Recording of the Year) indirimbo ye iriguhatana ikaba ari Jam My life2 ari nayo yitiriye album ye.

Uyu muraperi ubusanzwe witwa Shyaka Yves abarizwa muri Canada kubera impamvu z’amasomo, yatangiye muzika muri 2012 kugeza ubu akaba amaze gushyira hanze Mix-tape ebyiri arizo ‘Jam my Life 1’ na ‘Nobody Knows My name’ ndetse na Album imwe yise Jam my Life 2.

Yakoreanye na bamwe mu baraperi basanzwe bafite amazina akomeye hano mu Rwanda nka Khalfan, Bulldogg n’abandi.

REBA HANO INDIRIMBO ‘Jam My Life’ ya YFilla iri guhatana muri ibi bihembo.

 

Tanga Igitekerezo ukoresheje Facebook

SHARE