Umuraperi YFilla atangiye umwaka yibasira abamutegaga iminsi mu ndirimbo nshya ‘Fuck Them’ yirebe hano

YFilla uri mu baraperi beza batanga icyizere mu bakorera muzika hanze y’igihugu, yashyize hanze indirimbo nshya yise ‘Fuck Them’ igaruka kubanzi n’abagambanyi badashimishwan’uko ateye imbere.

YFilla ubusanzwe ukorera muzika muri Canada muri iyi ndirimbo ye nshya ashimira Imana ko ikomeje kumuteza intambwe ikomeye mu bikorwa bye bitandukanye.

Yiyama aboyita abanzi (haters) avuga ko akora atabitayeho kuko ariwe uzi icyo ashaka naho yifuza kugera. Ati “Nabwiwe byinshi kandi kenshi ko nayobye gusa ubu ndatunganiwe, ntacyo nahombye, Fuck you niggas.”

Muri iyi ndirimbo agaruka no ku baraperi b’ibyamamare nka Nipsey Hussle bitabye Imana mu mwaka ushize bazize ibisa n’ubugambanyi, abasabira ku ruhukira mu mahoro.

Iyi ndirimbo ‘Fuck Them’ ije nyuma y’iyindi uyu musore yari aherutse gushyira hanze mu mpera za 2019 yafatanyijemo na B-Threy bakayita ‘All Day’.

YFilla ubusanzwe witwa Shyaka Yves aherutse kubwira ikinyamakuru Ibyamamare.com ko umwaka wa 2020 ari uwo gukora cyane no kwigaragariza Abanyarwanda birushijeho.

Nubwo aba mu mahanga ashimangira ko ijya kurisha ihera ku rugo ariyo mpamvu mu minsi iri mbere azashyira hanze indi mishanga yakoranye n’abandi baraperi bafite amazina akomeye hano mu Rwanda.

REBA HANO INDIRIMBO NSHYA YA YFilla ‘Fuck Them’

REBA HANO INDIRIMBO YFilla aherutse gukorana na B-Threy bakayita ‘All Day’.

 

 

Tanga Igitekerezo ukoresheje Facebook

SHARE