Umuririmbyi Igor Mabano abaye umuhanzi wa Kabiri, ususurukije abari murugo mugitaramo cya Iwacu muzika(Amafoto)

Umuririmbyi Igor Mabano, yabaye umuhanzi wa Kabiri, wataramiye abari murugo, mugitaramo cya Iwacu Muzika Festival 2020.

Igor ufashwa n’inzu itunganya ikanamenyekanisha muzika ya Kina Music, yasusurukije abamukunda mugitaramo cyatambukaga kuri televiziyo y’u Rwanda n’imbugakoranyambaga za Iwacu Muzika.

Igor abaye umuhanzi wa Kabiri ukoze ikigitaramo asusurutsa abari murugo, nyuma ya Bruce Melody.

Mbere y’igitaramo Igor yabanje kuganira n’umunyamakuru Lucky Nzeyimana wa RTV

Ni igitaramo cyarimo abandi banyempano barimo abakora imivugo, abaririmba n’abandi benshi by’umwihariko Itsinda ry’abacuranzi rya Symphony rimaze kumenyerwa cyane hano mu Rwanda.

Muri iki gitaramo, Igor Mabano yaririmbye indirimbo ze nyinshi zirimo nka Araje (Dear Mashuka), Urakunzwe, iyo utegereza n’izindi harimo n’inshyashya abantu bari batarumva, avuga ko nyuma y’uyu musogongero abantu bagomba kwitegura kubona Album vuba.

Yanavuze ko zimwe muri izi ndirimbo zamaze kugera kuri Internet aho bagurishiriza indirimbo, ku buryo uwazishaka yazibona byoroshye.

Iwacu Muzika Festival ni ubwa kabiri iri kuba, cyane ko mu mwaka wa 2019 yazengurutse mu ntara zose z’igihugu abahanzi batandukanye bashimisha abakunzi babo, kuri iyi nshuro ibitaramo byose bikaba bizajya bibera kuri televiziyo y’u Rwanda murwego rwo kwirinda guteranira ahari abantu benshi no gukurikiza amabwiriza yo kwirinda ikwirakwira cy’icyorezo cya koronavirus.

Tanga Igitekerezo ukoresheje Facebook

SHARE