Umuririmbyi w’indirimbo zihimbaza Imana muri Kenya,Bahati yahamije ko abaye ari Diamond umukobwa mwiza nka Tanasha atamucika ngo asubire aho aba muri Kenya

Umuririmbyi umaze kwamamara cyane mu ndirimbo zo kuramya no guhimbaza Imana mugihugu cya Kenya, Bahati yahamijeko abaye Diamond atarekura uwo bahoze bakundana Tanasha Donna ngo asubire aho asanzwe atuye muri Kenya.

Bahati atangaje ibi mugihe, Tanasha Donna na Diamond bari bamaze igihe kinini badacana uwaka nubwo babyaranye umwana w’umuhungu.

Bahati icyifuzo cye ni uko Diamond yagumana Tanasha muri Tanzania

Mumpera z’icyumweru gishize nibwo Tanasha Donna usanzwe uba muri Kenya yongeye kugaragara muri Tanzania aho yabonetse ari mugitaramo hamwe na Diamond ndetse bagahurira no kurubyiniro aho baririmbanye indirimbo bafatanyije bise “Gere”

Muri uru rugengo Tanasha yakoreye muri Tanzani yari yagiye afite n’umwana yabyaranye na Diamond bise “Naseeb Junior” aho Diamond yagaragaye ateruye uyu mwana w’umuhungu baherukanaga akivuka.

Inkuru ya Tanasha na Diamond yagarutsweho cyane mubinyamakuru byo muri Kenya n’abandi bantu b’ibyamamare muri iki gihugu bagiye bayivugaho bishimira kongera guhura kwa Tanasha na Diamond.

Nyuma y’igihe kirenga umwaka batandukanye, Tanasha na Diamond bonye kugaragara muri Tanzania bunze ubumwe

Umuhanzi mu ndirimbo zihimbaza Imana Bahati ni umwe mubantu bagaragaje amarangamutima ye ku kongera kubona Tanasha na Diamond barikumwe.

Uyu mugabo yifashishije ifoto Diamond yifororanyije na Tanasha bari muri Tanzania yahamijeko abaye ari Diamond atarekura Tanasha ngo agaruke muri Kenya.

Bahati yagize ati “Mbyutse ntekereza! mbaye ndi Diamond Platnumz ntabwo natuma uyu mukobwa mwiza ava murugo rwanjye ngo agaruke muri Kenya.” arongera ati “Ariko ikibazo nikimwe ntabwo ndi Simba(Diamond)”

Diamond na Tanasha bari mubantu bishimiwe cyane mugitaramo bitabiriye barikumwe cyiswe “Tumewasha” cyabaye mu ijoro ryo ku Cyumweru muri Tanzania.

Tanga Igitekerezo ukoresheje Facebook

SHARE