Search

Umusore bikwekwa ko yaba ariwe wishe mubyara wa Rihanna yatangiye kuburanishwa

IBM Radio Listen Live

KANDA HANO UREBE VIDEO

Umusore witwa Shawayne Dashawn Williams niwe ukurikiranyweho icyaha cyo kwica mubyara wa Rihanna ku itariki ya 25 Ukuboza 2017 nyuma gato y’ibyishimo by’umunsi mukuru wa Noheli ubwo yari murugo iwabo I Barbados.

Tavon Kaiseen Alleyne umusore w’imyaka 21 yishwe arashwe tariki ya 26 Ukuboza 2017 nyuma ubwo yari mugace kitwa Saint Michael akaza kuhasangwa n’umusore Shawayne Dashawn Williams kugeza ubungubu bikekwa ko yaba ariwe wamwivuganye n’ubwo bikiri mubutabera.

Uyu musore amaze gupfa yababaje mubyara we Rihanna cyane kubera ko mbere y’uko apfa baribahoze bishimana banaruhukira hamwe mu biruhuko byo mumpera z’umwaka wa 2017 bitegura uwa 2018 ariko bikarangira byose umugizi wa nabi abyitambitsemo ku masasu abiri yarashe uyu musore.

Nation News yatangaje ko Shawayne Dashawn Williams yafashwe mu cyumweru gishize ndetse kugeza ubu aracyacumbikiwe na Polisi yo gace atuyemo muri Barbados. Iki kinyamakuru cyavuze ko akurikiranyweho icyaha cyo kwica ku bushake mubyara wa Rihanna.

Shawayne Dashawn Williams w’imyaka 23 yagejejwe bwa mbere imbere y’urukiko ku wa Gatatu tariki ya 3 Mutarama 2018. Yasomewe ibyaha aregwa ndetse hagaragazwa impamvu zikomeye zituma agomba gukomeza gufungwa kugeza igihe azasubirira mu rukiko tariki ya 31 Mutarama 2018.

Rihanna wari umaze amasaha make arikumwe na mubyara we Tavon Kaiseen Alleyne yagaragaje agahinda kenshi yatewe n’urupfu rwe kuko ngo yari umuntu w’ingenzi mu muryango we kandi bumvikanaga bidasanzwe.

Yatangiye kuburanishwa guhera kuya 03 mutarama 2018

Mu magambo yanditse kurukuta rwe rwa Instagram,Yagize ati “Iruhuko ridashira muvandimwe… Biragoye kwiyumvisha ko byari ijoro rya nyuma ngufashe mu maboko. Ntabwo niyumvishaga ko cyari cyo gihe cya nyuma numvise ubushyuhe buturutse ku mubiri wawe. Nzaguhoza ku mutima iteka.”

Abagize umuryango wa nyakwigendera Tavon Kaiseen Alleyne harimo na mushikiwe barajwe ishinga no kumenya by’ukuri uwahitanye ubuzima bw’umuvandimwe wabo dore ko no murukiko barikuba bahari kumva uko urubanza rumeze.

KWIZERA Juvenal-Ibyamamare.com

 

Comments

comments




Leave a Reply

Your email address will not be published. Required fields are marked *