Search

Umusore w’Umunyarwanda ‘Ziiro the Hero’ witegura kuzenguruka Africa ku igare, agiye kubanza kuzenguruka imirenge 416 y’u Rwanda ashishikariza abakobwo kwirinda inda zitateganyijwe

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Ziiro The Hero ubusanzwe witwa Gashaija Patrick, agiye kuzenguruka imirenge 416 y’u Rwanda mu rugendo yise ‘Peace Trip 2018’ aho azaba agenda atanga ubutumwa bwo gushishikariza abangavu kwirinda icyabakururira inda zitateguwe no gushishikariza urubyiruko gukunda ubukerarugendo.

Ziiro The Hero agiye kuzenguruka imirenge 416 y’u Rwanda mu rugendo yise ‘Peace Trip 2018’.

Ziiro The Hero ubusanzwe n’umunyarwenya, umukinnyi wa filime, umushyushya rugamba w’ibitaramo bitandukanye ndetse akaba n’umukerarugendo ibintu avuga ko yakuze y’iyumvamo.

Mu mwaka wa 2017 nibwo izina ry’uyu musore ryamenyekanye cyane ubwo yakoraga urugendo rwo kuzenguruka uturere 30 twugize u Rwanda agenda ku igare akarara aho bwije ageze. Uru rugendo yari yise ‘Peace Trip 2017’ yarukoze mu minsi 50 rumutwara amafaranga y’u Rwanda ibihumbi 37 500.

Icyo gihe yatangaje ko urwo rugendo yarukoze agamije kugera ku nzozi ze zo gutembera u Rwanda akoresheje ubushobozi buke ndetse no kugenda atanga ubutumwa butandukanye by’umwihariko k’urubyiruko abashishikariza guharanira kugera ku nzozi zabo bahereye ku bushobozi buke bafite.

Kuri ubu uyu musore Ziiro The Hero agiye kuzenguruka imirenge 416 y’u Rwanda mu rugendo yise ‘Peace Trip 2018’, uru rugendo rukazabanziriza urundi arimo gutegura rwo kuzenguruka umugabane wa Africa agenda ku igare.

Mu kiganiro Ziiro The Hero yagiranye n’umunyamakuru wa Ibyamamare.com yavuze ko Peace Trip 2018 azayitangira ku itariki ya 02/05/2018 asoze ku itariki 05/08/2018. Avuga ko uyu mwaka yahisemo kugenda atanga ubutumwa bwo gushishikariza abakobwa kwirinda inda zitateganyijwe ndetse no gukangurira urubyiruko gukunda ubukerarugendo kuko ubumenyeramo byinshi.

Uyu musore w’abaye mu buzima bwo kumuhanda (mayibobo) ahitwa Kiruhura na Nyabugogo mu gihe cy’imyaka 7, avuga ko ubuzima bwo kumuhanda yabayemo nyuma akaza kubuvamo agasubira no mu ishuri ubu akaba afite ubuzima bwiza, nibyo bimuha icyizere n’imbaraga zo kugera ku ntego ze abayihaye mu buzima bwa buri munsi.

Izina ‘Ziiro The Hero’ avuga ko rikomoka ku ijambo ry’icyongereza ‘Zero to the Hero’ bishatse kuvuga guhera kubusa ukugera ku butwari. Ibi ngo abihuza n’amateka y’ubuzima yaciyemo aho yemeza ko yahereye ku busa akaba atumbiriye kuzagera aho azitwa Intwari.

Agiye gukora urugendo rw’iminsi 90 azeguruka u Rwanda rwose.

RMC yamuhaye moto azakoresha niwe muterankunga gusa afite kugeza ubu ariko n’undi wese wabyifuza yamuterankunga muri uru rugendo.

 

 

Ivan Heritier

Comments

comments




Leave a Reply

Your email address will not be published. Required fields are marked *