Search

Umutoza Sogonya HamisiTchishibanji yahishuye ibidindiza umupira w’amaguru mu Rwanda

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umutoza Sogonya HamisiTchishibanji, nyuma y’uko ikipe ya Rayon Sports isezererwa na Mamelodi sundowns,mu irushanwa rya CAF Champions League  yagize icyo atangaza kuri zimwe mu nzitizi abona arizo zidindiza iterambere ry’umupira w’amaguru mu Rwanda

Ikipe ya Mamelodi sundowns yasezereye Rayon Spots mu irushanwa rihuza amakipe yatwaye ibikombe iwayo ahatanira igikombe cya CAF Champions League, ku cyumweru taliki ya 18 Werurwe 2018 i Pretoria iyitsinze ibitego 2-0 mu gihe i Kigali Amakipe yombi yari yihagazeho ntihagira ibasha kureba mu izamu ry’iyindi.

Mu kiganiro cyihariye uyu mugabo uzwi cyane muri Ruhago nyarwanda kubera amakipe atandukanye yatoje yahano mu Rwanda nka: Les Citadins, Kiyovu Sports, Police Fc, Espoir na Etincelles Fc yagiranye na IGIHE.com dukesha iyi nkuru,yemeza ko kugeza ubu kuri we asanga abakinnyi bo mu Rwanda bameze nk’abamaze imyaka iri hagati y’icumi na 20 batarya indyo yuzuye.

Sogonya Hamisi Tchishibanji ubwo umukino wahuzaga Mamelodi sundowns na  Rayon Sports wari umaze  kurangira nibwo yavuze ko ntakindi Rayon Sports izize uretse imirire mike y’Abakinnyi bo mu Rwanda abona basa n’abatarya indyo yuzuye.

Yavuze ko byibuze kugira ngo Football yo mu Rwanda izatere Imbere ari uko abakinnyi bahembwa neza kandi ku gihe bagakora imyitozo ihagije nk’Abakinnyi bitegura kuzahatana n’Amakipe akomeye ndetse ikirenzeho cy’ingenzi ni uko bazajya bagaburirwa indyo yuzuye irimo intungamubiri zihagije. Ahamya ko umupira wo mu Rwanda udashobora gutera imbere mu gihe ibyo yavuze bitagezweho.

Icyo  uyu mutoza  yagarutseho cyane ni uko abasore bakinira amakipe atandukanye hano mu Rwanda ari abahanga kandi bazi icyo bagomba gukora mu kibuga kuko bagaragaza umurava mwinshi cyane, gusa intege bafite zibagaragaza nk’aho bamaze imyaka 10 kugeza kuri 20 batararya indyo yuzuye kandi ihagije.

Mamelodi sunsowns yasezereye Rayon Sports iyitsinze ibitego 2-0

Nk’umutoza watoje amakipe atandukanye yo mu Rwanda, avuga ko bibabaje kubona hari amakipe yagiye anyuramo agasanga Abakinnyi bagaburirwa Kawunga, Amandazi na Keke bakabifatisha  Icyayi igihe bavuye mu myitozo, ahamya ko ibyo ntacyo byafasha umukinnyi uteganya kuzahatana n’amakipe akomeye kuko ntacyo ibyo ariye bimufasha mu mubiri kubera imbaraga atakaza n’izo asabwa gukoresha.

Ibi yabigarutseho nyuma yo kubona ko Abakinnyi ba Rayon sports bakinnye neza mu mikino yose yabahuje na Mamelodi sundowns, kuko we yivugira ko ntacyo Mamelodi yayirushije uretse imbaraga n’imyitozo by’Abakinnyi.

KWIZERA Juvenal-Ibyamamare.com

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.