Umuyobozi Mukuru wa REB hamwe n’umwungirije bahagaritswe ku mirimo, bananiwe gushyira mu myanya abarimu

Dr. Ndayambaje Irenée, Umuyobozi Mukuru w’Ikigo Gishinzwe Guteza Imbere Uburezi mu Rwanda (REB) hamwe n’umwugirije Madamu Tumusiime Angelique, ndetse na Bwana Ngoga James, Umuyobozi w’Ishami rishinzwe Iterambere n’Imicungire y’Umwarimu mu Kigo Gishinzwe Guteza Imbere Uburezi mu Rwanda (REB) bahagaritswe ku mirimo yabo kubera kunanirwa inshingano zirimo kunanirwa gukurikirana no guhuza ishyirwa mu myanya ry’abarimu uko bikwiriye.

Mu itangazo ryashyizwe hanze babinyujije ku rubuga rwa Twitter, Ibiro bya Minisitiri  w’Intebe byatangaje ko abayobozi barimo uwari Umuyobozi Mukuru w’Ikigo Gishinzwe Guteza Imbere Uburezi mu Rwanda (REB) Dr. Ndayambaje Iréene n’umwungirije Madame Tumusiime Angelique ndetse n’Umuyobozi w’Ishami rishinzwe Iterambere n’Imicungire y’Umwarimu mu Kigo Gishinzwe Guteza Imbere Uburezi mu Rwanda (REB) bwana Ngoga James, ko bahagaritswe byagateganyo.

Dr. Ndayambaje Irenée Umuyobozi Mukuru wa REB yagaritswe ku mirimo ye bya gateganyo nyuma yo kunanirwa gukurikirana no guhuza ishyirwa mu myanya ry’abarimu uko bikwiriye

Mugihe aba bayobozi bakuwe ku mirimo uwavuga ko ntagitunguranye ntiyaba abeshye kuko byagiye bivugwa kenshi ko hari amakosa yagiye akorwa ku bantu bashakaga imyanya ya kazi mu kwigisha.

Usibye naba bakuwe ku mirimo ibi bigaragaza ko hashobora kuba harimo n’abandi babyihishe inyuma aho ugiye kurebe ibitekerezo byinshi by’abaturage bakurikira urukuta rwa Twitter rw’Ibiro bya Minisitiri w’Intebe bakimara kubona itangazo bamwe bagiye batungurwa bagaragaza ko harimo n’izindi ntiti zikwiriye kwigwaho.

Aho umwe yagize ati:”Bonyine? Mutongeho nabo muri HEC, nizindi baringa ziri Mineduc?  Muvugurire uburezi rwose, ariko ntihagengende uguguna igufwa ngo haze uri mira bunguri.’’

Undi nawe ati:”REB abayihagarariye Ntabwo bazamura uburezi uko bisabwa. Bahindagura uburezi nkuhindura umwambaro. Bakwiye kuvaho hakajyaho abandi.’’

Mu bantu bashatse akazi hari abagiye batungurwa no kuba baratsinze ibizamini byakozwe ariko bagasanga batibona muri abo batangajwe.

Mu barimu 7800 baribatsinze 4657 nibo bashyizwe mu mirimo, aho abarimo 3678 bashyizwe mu mashuri abanza naho 970 bagashyirwa muyisumbuye. Abandi bari batsinze 3143 bo ntibisanze mu myanya y’akazi.

Mu kubisobanura neza Ikigo Gishinzwe Guteza Imbere Uburezi mu Rwanda (REB) cyemeye ko amakosa yabaye mu gushyira abarimu mu myanya y’akazi gusa bakaba bari baratangaje ko bagiye kubikosora vuba.

Tanga Igitekerezo ukoresheje Facebook

SHARE