Umuyobozi muri Ferwafa uherutse gukora ubukwe na Miss Shimwa Guelda, afunzwe azira gufata kungufu umwe mubakobwa biyamarizaga kuba Miss Rwanda

Umuyobozi wa Tekiniki mu Ishyirahamwe ry’Umupira w’Amaguru mu Rwanda (FERWAFA), Habimana Hussein amaze ukwezi ari mu maboko y’ubutabera aho akurikiranyweho gukoresha imibonano mpuzabitsina ku gahato umwe mu ba miss bahataniye ikamba rya Miss Rwanda 2020.

Umuvugizi w’Urwego rw’Igihugu rw’Ubugenzacyaha (RIB), Marie Michelle Umuhoza,  yemeje aya makuru avuga ko uyu mugabo akurikiranyweho icyaha cyo gukoresha umuntu imibonano mpuzabitsina ku gahato ndetse na dosiye ye bamaze kuyishyikiriza ubushinjacyaha.

Amakuru agera ku Ibyamamare.com avuga ko Hussein yashutse umukobwa umwe mu bari muri Miss Rwanda 2020 akajya amusaba ko bahura akamwizeza ko azamufasha kwegukana iri Kamba rya Nyampinga w’u Rwanda, bizakurangira amukoresheje n’imibonano mpuzabitsina ku gahato.

Iki cyaha akurikiranyweho gihanwa n’ingingo y’196 mu mategeko ahana ibyaha y’u Rwanda aho bavuga ko umuntu wese ukoresha imibonano mpuzabitsina ku gahato umuntu ufite byibura imyaka 18 ahanishwa igihano kirenze imyaka itanu kugeza ku myaka irindwi.

Mu Ukuboza 2019 nibwo Habimana Hussein yakoze ubukwe bw’agatangaza na Miss Shimwa Guelda wegukanye ikamba rya Miss Heritage muri Miss Rwanda 2017.

Hussein yakoze ubkwe bw’agatangaza muri Convention Centre na Miss Shimwa Guelda.

 

Tanga Igitekerezo ukoresheje Facebook

SHARE