Umuyobozi w’Akarere ka Nyarugenge yakiriye Bunani wa musore warokoye umwana muri Nyabugogo, yamushimiye ubutwari yagize amwemerera akazi(Amafoto)

BUNANI Jean Claude ni umusore umaze iminsi avugwa cyane kumbuga nkoranyambaga zitandukanye kubera ubutwari yagize akarokora umwana wari ugiye gutwarwa n’umuvu w’amazi mu mugezi wa Nyabugogo.

Mu mashusho yagaragaye kumbugankoranyambaga, abantu benshi bashimiye uyu musore watabaye uyu mwana waruri mukaga kandi akabikora ntagihembo ategereje, abantu benshi bagiye bamushimira ndetse bamusabira n’ishimwe ku nzego zo hejuru.

Bunani Jean Claude yakiriwe mu biro by’akarere ka Nyarugenge, yakirwa na Meya w’aka karere Madamu Kayisime

Ku mugoroba wo kuri uyu wa Kane taliki ya 6 Mutarama 2020, Bunani Jean Claude yakiriwe mu biro by’akarere ka Nyarugenge, yakirwa na Meya w’aka karere Madamu Kayisime Nzaramba.

Bunani Jean Claude yakiriwe arikumwe n’umwana yarokoye witwa Gatego Jackson w’imyaka 6 y’amavuko.

Meya w’akarere ka Nyarugenge yashimiye Bunani ubutwari yagize akarokora uyu mwana, yamugeneye ishimwe ndetse yamwijeje kumushakira akazi akava mu bukarani bwo kwikorera imizigo yakoraga muri Nyabugogo.

Bunani yarikumwe n’umwana yarokoye witwa Gatego Jackson

Bunani w’imyaka 26, yavukiye mu karere ka Huye, mu ntara y’Amajyepfo, yubatse mu karere ka Rwamagana mu ntara y’Iburasirazuba, ari naho yasize umugore we n’umwana umwe babyaye.

Ubu acumbitse mu murenge wa Kimisagara mu karere ka Nyarugenge, ku mpamvu z’akazi yaje gushaka mu mugi wa Kigali.

Uretse akarere ka Nyarugenge gashimiye Bunani Jean Claude kubera igikorwa yakoze, Umuyobozi muri Minisiteri y’Ibikorwa by’Ubutabazi, yabwiye itangazamakuru ko iyo Minisiteri iri gutegura uburyo bwo gushimira uwo musore kandi ko ishimwe azarishyikirizwa vuba nubwo atavuze iryo ari ryo.

Yagize ati “Turashima ibyo uriya mugabo yakoze kandi akwiye ishimwe. Turateganya guhura na we kuwa Kane tukamushimira mu buryo bukwiye.”

Ubwo Bunani yarokoraga uyu mwana mu mugezi wa Nyabugogo
Bunani asuhuzany na Meya w’akarere ka Nyarugenge

Tanga Igitekerezo ukoresheje Facebook

SHARE

1 IGITEKEREZO