Search

Umuyobozi w’Ikipe ya POAK yajyanye imbunda mu kibuga kurasa umusifuzi mu mukino hagati wayihuzaga na AEK

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umuyobozi w’ikipe ya POAK , Ivan Savvidis yo mu gihugu cy’Ubugereki yajyanye imbunda yo mu bwoko bwa pistol mu kibuga umukino utararangira agiye kurasa umusifuzi nyuma yo kutishimira imisifurire yagaragaje mu mukino wahuzaga POAK na AEK zombi zo mu cyiciro cya mbere.

Uyu muyobozi w’iy’ ikipe yafashe iki cyemeza ubwo ikipe ye yabonye igitego kimwe rukumbi ari nacyo cyonyine cyari kibonetse ku mpande zombi bikarangira umusifuzi acyanze, yemeza ko habayeho kurarira ku mukinnyi Fernando Varela wari ugitsinze .

Iki cyemezo cy’umusifuzi nticyishimiwe na gato n’abafana b’iyi kipe ndetse n’ubuyobozi bwayo bwagaragaje intugunda zo kutemera imisifurire yaranze umukino.

Ibi byabereye mu mukino wa Shampiyona wahuzaga aya makipe yombi, warasubitswe ku mpande zombi byemezwa ko umukino urangira ari 0-0 kuko nyuma yo kwanga igitego hashize umwanya muto hagahita habaho imvururu zatejwe na nyir’ikipe.

Byaratunguranye kubantu benshi bari muri sitade kuko babonye uyu mugabo amanutse yirukankira mu kibuga ariko hagati aho ntawakekaga ko yaba afite imbunda cyangwa ko hari ikindi gikorwa kibi agambiriye kujya gukora dore ko abenshi batekerezaga ko ashobora kuba agiye kujurira imisifurire yabonaga idahwitse ku ruhande rw’ikipe ye.

Uyu munyapolitike akaba n’umucuruzi muri iki gihugu, yamanutse yiruka abantu batazi ko afite imbunda asanga umusifuzi wo kuruhande atangira kumubwira amagambo mabi ariko bikimara kumenyekana ko afite imbunda bahita batangira kumufata bamukura mu kibuga.

Umutoza mukuru w’ikipe ya AEK, Manolo Jimenez yavuze ko ibyo yaboneye ku kibuga ari agahomamunwa nyuma yo kubona imbere ye umuntu ufite imbunda imbere y’umusifuzi mu kibuga amutonganya ndetse anamubwira amagambo amuteguza ko agiye gusezera ubusifuzi ku Isi.

Uyu mutoza avuga ko  yumvise amubwira ati:” ubu ibyawe birarangiye nk’umusifuzi.”

Abantu bakimara kubona ko umugabo umanutse mu kibuga afite imbunda ndetse anagerageza gushotora umusifuzi, bihutiye kumufata bamukura mu kibuga igikorwa agambiriye kibi kitaraba kuko ari bimwe mu mateka mabi yarikuba yivanze mu mupira w’Amaguru ku rwego mpuzamahanga ndetse bikanahesha isura mbi igihugu dore ko ari no mu banyapolitike bakomeye mu gihugu.

Umuyobozi w’ikipe ya POAK yagiye kurasa umusifuzi mu kibuga

Nyuma y’imvururu umukino wasubikiwe aho warugeze ndetse hanemezwa ko uyu mukino utazasubirwamo, bahise bemeza ko umukino urangirira ku munota imvururu zatangiriye ho. Hagati aho ikibazo cy’uwajyanye imbunda mu kibuga  n’ikipe ye gikomeje gukorwaho iperereza kugira hamenyekane impamvu nyamukuru yazamuye umwuka mubi n’icyari kigambiriwe.

Abashinzwe umutekano bafatanyije n’Abakinnyi batabariye hafi

KWIZERA Juvenal-Ibyamamare.com

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.