Umuziki wa Jay Polly mu marembera!,Ikinyabupfura cye kiragerwa ku mashyi, ubu yiyise umwami yakubitwa nk’izakabwana, ikaze kuri Bushali wamenye icyo ikinyejana gishaka

Jay Polly..Kabaka Man..Umwami w’injyana ya hip hop i Rwanda, umusore wakundishije benshi injyana ya hip hop, yatangiye aririmba amagambo y’ubuzima bushaririye bwo ku muhanda bituma benshi bamwiyumvamo, ikinyabupfura gike yagiye agaragaza, gikomeje kuba imbogamizi kuri muzika ye, ubu yiyise umwami yaterwa amabuye kuko umuziki we uri mu marembera.

Jay ni umwe mu baraperi bagize igikundiro kidasanzwe ariko imyitwarire ye igerwa ku mashyi, igenda imukubita hasi imutandukanya n’abavandimwe batangiranye muri tuff gang kuko yumvaga amaze kubarenga ndetse ni nawe wari ukunzwe kubarusha, imyitwarire ya Jay yamutandukanyije n’umugore we wa mbere babyaranye umwana w’umukobwa, ubu aho umwe aciye undi ashobora kuba yahacisha umuriro kuko iwabo w’umukobwa bavuze ko badashaka umukwe umeze nka Jay Polly.

Umuraperi Jay Polly umuziki we uri mu marembera kubera ikinyabupfura cye gike kigerwa ku mashyi

Niba ushidikanya ko Jay Polly ari umwe mu baraperi bakunzwe bidasanzwe mu Rwanda ariko ikinyabupfura kikamubera imbogamizi uzabaze muganga Dr Tom Close na King James, muri 2011 Tom Close yegukanye irushanwa rya PGGSS 1 niryo rushanwa riruta ayandi ryabayeho mu Rwanda, Tom yegukanye igikombe abura uko yishimira intsinzi kubera imvura y’amabuye yaterwaga n’abakunzi ba Jay Polly batigeze bishimira umwanya wa Gatatu yari abonye muri iri rushanwa.

Tuyishime Joshua, reka mvuge Jay Polly kuko ariryo zina abenshi mu muziho, uyu musore niwe muhanzi wambere mu Rwanda, muri 2013 yasinye amasezerano arimo agafaranga gatubutse na sosiyete ikomeye mu Rwanda, ya MTN.

Icyogihe yashyizwe kubyapa umujyi wa Kigali arawuzura ndetse akodesherezwa n’inzu nziza i Nyarutarama,ahabwa amahirwe yo kujya muri Afurika y’epfo gukorana indirimbo n’umuraperi kazi wo muri Uganda, Keko wari mubagezweho icyogihe hamwe na P-Square bo muri Nigeria, uko amasezerano ye na MTN yarangiye, reka ndeke kubivuga hataho ntitwa injajwa, Uko yavuye muri iyi nzu byo uwabivuga bwakwira bugacya kuko ni inkuru ndende.

Muri Gicurasi 2013, nibwo havuzwe inkuru yuko Jay Polly yagiye muri Kina Music, icyo gihe yinjiranyemo na Tom Close, Dream Boyz basangamo Knowless na Christopher ndetse batangira gukorana imishinga y’indirimbo, abandi basinye amasezerano, ubusinzi bwa Jay Polly butuma adahuza na Ishimwe Clement wisomeraga ka Fanta Orange.

Ikinyabupfura gike n’ubusinzi Jay Polly atuka abanyamakuru ngo ni amadebe aratinyuka abivugira kuri Radio.

Muri 2012, umuhanzi Jay Polly  yatutse bamwe mu banyamakuru ngo ni amadebe bitewe n’inkuru bari bamukozeho y’uko yafunzwe nyamara we akabihakana akanavuga ko ibyo bavuga batabifitiye gihamya.

Ibi byababaje abanyamakuru benshi. Ba nyiri ugutukwa bamwe bamutwaye mu rukiko ndetse anasabwa gusaba imbabazi,ibi byamugizeho ingaruka cyane kuko atigezwe agirirwa icyizere ngo abashe kwitabira PGGSS3 yahabwaga amahirwe menshi yo kuba yayegukana.

Jay Polly muri Touch Records abafatanyabikorwa bashya bari bagiye kumugarura mu kibuga kuko yasaga naho yazimye kuko itangazamakuru ntiryari rikimwitayeho.

Muri 2014 yagiranye amasezerano y’imikoranire n’inzu itunganya muzika ya Touch Records, icyo gihe Jay nibwo yatangiye kwiyunga n’itangazamakuru ryari rimugeze habi, ahita ahabwa n’amahirwe yo kwitabira Primus Guma Guma Super Star ya 4 ndetse ahita ayegukana, mugitaramo cyasojwe muri Kanama 2014, Jay Polly ahabwa igikombe na sheki y’amafaranga y’u Rwanda Miliyoni 24.

Jay Polly amaze gucakira izi millioni nyuma y’igihe gito yatangiye kumvikana aterana amagambo n’ubuyobozi bwa Touch Records muri Werurwe 2015 nibwo bandukanye n’uyu muhanzi nabo icyo bapfuye ngo yari imyitwarire mibi ndetse akaba yarashatse kwikubira ifaranga ryose yari akuye muri Guma Guma kandi Touch aribo bari bamufashije kugirango ayitabire.

Imyitwarire mibi ya Jay Polly byageze aho imushyira muri Gereza.

Muri Kanama 2018 nibwo Umuraperi Jay Polly  yafunzwe, akurikiranyweho icyaha cyo gukubita umugore we akamukura amenyo abiri. Yarwanye n’umugore we, Uwimbabazi Sharifah, nyuma y’ubushyamiranye bagize bavuye mu kabari bivugwako bose bari basinze baborewe.

Jay Polly, umugore we wa kabiri Uwimbabazi Sharifah hamwe n’umwana wabo

Jay yabanje gufungirwa muri kasho ya Remera mu Mujyi wa Kigali, nyuma aza kujyanwa muri Gereza ya Mageragere.

Jay Polly yamaze amezi atanu afungiye i Mageragere. Nyuma yo gukatirwa igifungo cy’amezi atanu ku wa Kabiri tariki 1 Mutarama 2019 ni bwo yarangije igihano cye ararekurwa mu bamwakiriye bari bayobowe n’umugabo witwa Mupenda Ramadhan [Bad Rama] wamukurikiraniye hafi ndetse ahita namusinyisha amasezerano yo kumufasha muri muzika muri studio ye itunganya umuziki yitwa The Mane.

Nyuma y’umwaka umwe Jay Polly yasezeye muri The Mane nyirayo Bad Rama ari muri Amerika.

Bad Rama yagarutse i Kigali mu ijoro ryo ku wa Gatatu tariki 15 Mutarama 2020 nyuma y’igihe abarizwa ku butaka bwa Leta Zunze Ubumwe za Amerika, yabwiye itangazamakuru ko nta gikuba cyasitse muri ‘Label’ ya The Mane.

Ku wa 31 Ukuboza 2019 nibwo umuraperi Jay Polly yatangaje ko yasezeye muri ‘Label’ ya The Mane bitewe n’uko imikoranire itubahirijwe nk’uko byari bikubiye mu masezerano bagiranye akimara gufungurwa.

Ati “Ku bafana banjye n’itangazamakuru, nk’uko turimo dutangira umwaka wa 2020, ndashaka kubamenyesha ko nasoje amasezerano y’imikoranire na The Mane Music Label bitewe n’imikorere itarubahirijwe, nkaba ntaranyuzwe n’ibyakozwe muri ayo masezerano. Guhera uyu mwanya, umuziki wanjye n’ibindi bikorwa bitandukanye ntabwo bikiri mu biganza Bya The Mane. Mbifurije umwaka mushya muhire wa 2020.”

Jay Polly ubwo yasohokaga muri gereza ya Mageragere

Bad Rama akigera i Kigali yahamijeko hari byinshi yakoreye Jay Polly mbere na nyuma y’uko afungurwa. Yavuze ko we n’abandi bashyize umuhate mu gufunguza uyu muraperi ariko ngo ageze hanze yaberetse uwo ari we yica amasezerano atarama n’amasaha 24 asohotse gereza.

Yavuze ko yaraye amajoro agira ngo Jay Polly asohoke muri gereza akomeze urugendo rw’umuziki we nta nkomyi, ariko ngo yamuteye umugongo mbere y’uko umwaka wa 2019 urangira.

Bad Rama avuga ko Jay Polly ari we wamwinginze kugira ngo amushyire mu bahanzi babarizwa muri The Mane ndetse ngo hari byinshi yamusezeranyije nageramo.

Avuga ko umunsi wa mbere Jay Polly asohoka wamuhaye ishusho y’uko atahindutse ariko kandi ngo yakomeje kumuguyaguya nk’umuvandimwe.

Yagize ati “Nka Jay Polly muvuga yishe amasezerano bwa mbere ava muri gereza. Mwebwe muzi amafaranga namutakajeho. Umuhungu namurariye ijoro…twamaze ukwezi twigisha, yaransabye ampa amasezerano menshi.”

Bad Rama uwo ufite inkoni niwe wari uyoboye ikipe yari ije kwakira Jay Polly avuye i Madiride (Mageragere)

Yungamo ati “Umuntu umunsi wa mbere arasinze, ibyo yakoze mwarabibonye. Ni gato mu binyuzemo kuko bafite impamvu zabo nanjye mfite impamvu zanjye. Nshobora kugenda gacye gacye mu masezerano kubera ko mbona wowe nta n’icyo ufite.”

Umuziki wa Jay Polly mu marembera!

Umuziki wa Jay Polly mu marembera,ikinyabupfura cye kigerwa ku mashyi kimukubise hasi, n’umuziki urasa nuwamunaniye ntakiduha imirongo nkimwe yo muri Ndacyariho Ndahumeka, Ubusinzi, kubera gususumira intoki ubu ntiyabona uko yandika amagambo nkamwe yo mu ndirimbo ye yise “Akanyarirajisho” Byeeeeeee Byeeeeeee Jay Polly ikaze kuri Bushali, umusore wabashije kumenya icyo ikinyejana turimo gikeneye, ubu niwe uri kuririmba Hip Hop amaboko bakayamanika.

Jay Polly ubwo yafungwaga yari amaze iminsi ari mu mishinga yo gukorana indirimbo n’umugore we, uwo niwe uryamye hejuru y’imodoka

Tanga Igitekerezo ukoresheje Facebook

5 IBITEKEREZO

  1. Hhhh murasekeje ngo bushali aririmba hip hop amatiku Ari hano mumeze nka badrama utazi gutandukanya trap na hip hop kd Ari manager wumuziki ugezweho

  2. Ariko urumwnziwe sigusa gusa inkuru muravuga uziko wahyirango urimana urumva ngo byee jay polly trap na rap biratabdukanye waze uri mugatebo kinyanga hip hop kweri

  3. Fuck u ibyamamare icyigaragara cyo ntabunyamwuga mufit nkurikije iyi nkuru muri under dog murCyafite byinshi byokwiga abami ba hip hop twemera kd babiruhiye Jay Polly abarimo na p fla. Green p. Nabandi ba legend bushali nabonye ushira imbere aracyafite urugendo rurerure ngendeye kuri idea zawe ninkaho watumwe na Bad Rama gusebya kabaka gusa urakora ubusa nkumwana wenda undi