Search

Umuziki wanjye wafashe ikindi cyerekezo sinkikeneye gukora umuziki w’akajagari- P.Fla

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umuraperi Hakizimana Murerwa Amani uzwi cyane mu muziki nka ‘P-Fla’ aratangaza ko nyuma yo kuva muri gereza aho yari amaze umwaka wose, yahinduye uburyo yakoragamo muzika ye nyuma yo kubona urukundo abafana bamufitiye mu bitaramo bibiri bikomeye amaze kwitabira kuva yafungurwa.

P-Fla ngo ntagishaka gukora umuziki w’akajagari.

P-Fla n’umwe mu baraperi bakunzwe cyane mu Rwanda ariko imyitwarire ye yagiye ituma adakoresha impano ye neza nkuko bikwiye.

Uyu musore wamenyekanye mu ndirimbo nka ‘Ntuzanyinishe’ ‘Naguhaye imbara’ ‘Akabindi ku murozi’ n’izindi, mu byumweru bibiri amaze afunguwe amaze kwitabira ibitaramo bibiri bikomeye mu gihugu kandi akagaragarizwa urukundo rukomeye n’abafana.

Uyu muraperi ukunze kwiyita Capital P. The Great, nyuma y’igitaramo cya East African Party aherutse kwitabira ndetse agahuriramo n’abahanzi b’ibyamamare muri aka karere nka Sheebah na Alikiba, yaganiriye n’umunyamakuru w’Ibyamamare.com maze amutangariza ko yahinduye icyerekezo cya muzika ye, ubu akaba yifuza gukora ibintu biri kuri gahunda kurusha uko yakoraga mbere.

Yagize ati “Umuziki wanjye wafashe ikindi cyerekezo, ndashaka kuzasubira muri studio mfite label (inzu y’ umuziki) izwi nkoreramo. Si uko nabuze studio njya gukoreramo umuziki, ahubwo icyo P-Fla nta gishaka ni ugukora wa muziki w’akajagari, bya bindi ngo uyu munsi nakoreye aha, ejo nkoreye hariya, oya. Ubu nkeneye gukora ibintu byose biri kuri gahunda ku buryo n’uwagushaka wese yamenya aho agusanga, niba hari n’ ikibazo cyavutse akamenya aho abariza”

P-Fla yemeza ko yatangiye ibiganiro n’abashaka ko bagirana imikoranire muri muzika ariko yirinda kubatangaza ibiganiro bitararangira. Ati  “si ngombwa ko ntangaza ngo aba n’aba turi mu biganiro ariko icyo navuga mu magambo make ni uko bahari uretse ko numva atari ngombwa kuvuga amazina yabo. Ukuri guhari ni uko tukiri mu biganiro”.

Benshi mu bakurikiranira hafi muzika Nyarwanda byumwihariko abakunzi b’injyana ya hiphop bemeza ko iyi njyana yaba igiye kwisubiza icyubahiro yahoranye, mu gihe P-Fla yaba akomeje mu murongo mwiza wa muzika n’itsinda rya Taff Gangs rikongera kugira imbaraga.

Mugitaramo cya East African Party, P-Fla yazanye na Candy Moon bahoze baririmbana n’undi musore avuga ko ariryo tsinda rye rishyashya, barishimirwa bikomeye.

Mu gitaramo cya Riderman nabwo P-Fla yagaragarijwe urukundo rukomeye n’abafana.

Muri East African Party itsinda rya Tuff Gnags naryo ryongeye kwishimirwa bikomeye nyuma y’igihe kinini ryarasenyutse.

Mu gihe iritsinda ryaba ryongeye kugira imbaraga nkizo ryahoranye na P-Fla akaguma ku murongo mwiza ntakabuza hip hop yakwongera kwigarurira icyubahiro.

 

 

Ivan Heritier

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.