“Unkora ahantu” indirimbo nshya ya Elisher Cyril Umunyarwanda umaze kubaka izina muri Mozambique

Ndikumana Elisha n’umuhanzi Nyarwanda ukorera umuziki mu Gihugu cya Mozambique mu mujyi wa Maputo.azwi nka Elisher Cyril mu muziki n’umwe mu Bahanzi Nyarwanda bahagaze bwuma muri kiriya Gihugu cyo mu majyepfo y’Afurika.

Elisher Cyril n’umusore watangiye muzika akiri muto mu ndirimbo zo kuramya no guhimbaza Imana, yize amashuli abanza ku Kimihurura akomereza muri Essapag ndetse no mu mujyi wa Kampala muri Uganda.

Muwa 2015 mu buryo bweruye muri Mozambique yatangiye kujya aririmba mu birori bitandukanye aho yahise ashyira hanze indirimbo yise “Es tudo” bisobanuye (Uri byose) indirimbo yumvikanye ku maradiyo akomeye mu mujyi wa Maputo imuhesha n’amahirwe yo kubonana n’icyamamare Twenty Fingers baje gukorana indirimbo yitwa “Broken heart” iyi yanyuze kuri TVM Televiziyo y’Igihugu cya Mozambique.

Elisher Cyril n’umwe mu bahanga mu kuririmba mu birori cyane cyane ubukwe

“Broken heart” yakoranye na “Twenty Fingers” yafunguriye amarembo uyu muhanzi maze Ibyamamare nka Mimae, Valter Artistico baramenyana n’abandi bakunzwe muri Mozambique, aza gukora indirimbo “Madame Vela” iri mu rulimi rw’igi Poltugal indirimbo iri muzakunzwe cyane binyuze ku maradiyo ndetse n’iyitwa “Sorry” yafashije umuraperi Boi Wax, iyi “Sorry” iri mu ndirimbo ziri gutambuka cyane ku mateleviziyo yo mu Rwanda.

Elisher Cyril nk’umuhanzi Nyarwanda ukorera muzika hanze avuga ko gukorana n’abanyamahanga hari urwego byamugejejeho.

” Gukorana n’abahanzi baha byamfashije kwigarurira Imitima y’abakunzi b’umuziki Babanyagihugu bakaba bamwe mu bakunzi b’umuziki banjye kandi birimo kuza kuko barabingaragariza “

Elisher Cyril umuhanzi Nyarwanda uri kwagura izina rye muri Mozambique

Mu ntangiro z’umwaka wa 2020 uyu munyempano yashyize hanze indirimbo yise “Unkora ahantu” indirimbo y’urukundo iryoheye amatwi.

Ku cyamuteye gukora iyi ndirimbo yise “Unkora ahantu” Elisher yagize ati:

“Gukora Unkora Ahantu numvaga nshaka gutanga message kubantu bakundana by’ukuri kandi nerekanako gufata Icyemezo cyuwo mukundana ari ubutwari bukomeye “

Elisher Cyril avuga ko uyu mwaka wa 2020 ashaka gushyira imbaraga ku ndirimbo ze zikamenyekana mu Rwanda aho akomoka.

” Uyu mwaka nifuza kwagura umuziki Wanjye Cyane Cyane Iwacu Irwanda kuko niho ruzingiye , nifuza ko Abanyarwanda bamenya ko Mozambique mpari kandi ndi mubahagarariye Igihugu. Uyu mwaka mfite gahunda ihamye yo kuzamura izina ryanjye n’umuziki muri rusange”

Unkora ahantu by Elisher Cyril

Tanga Igitekerezo ukoresheje Facebook

SHARE