Uratangaje imbere n’inyuma.Warakoze kumbera urugero. Warakoze kunyereka urukundo nyarwo, Umukobwa ukundana na Meddy mu marangamutima adasanzwe

Umukobwa ukomoka mugihugu cya Ethiopia ukundana n’umuhanzi w’umunyarwanda, Ngabo Medard [Meddy] yamubwiye amagambo aryohereye ku munsi w’isabukuru ye y’amavuko.

Kuri uyu wa Gatanu taliki ya 7 Kanama 2020, nibwo umuhanzi Meddy yizihizaga isabukuru y’amavuko y’imya 31 amaze avutse.

Uyu wari umunsi udasanzwe kuri uyu muhanzi ukunzwe mu Rwanda, Abantu benshi biganjemo inshuti ze ndetse n’abakunzi be bagiye bamwifuriza umunsi mwiza w’amavuko.

Meddy na Mimi bamaze igihe bari mu munyenga w’urukundo

Mubifurije isabukuru nziza y’amavuko umuhanzi Meddy, harimo na Mimi umukobwa wo muri Ethipia bamaze igihe bari mu munyenga w’urukundo

Uyu mukobwa w’imyaka 30 mubutumwa yageneye Meddy yahamije ko uyu muhanzi ari umuntu utangaje imbere n’inyuma, amushimira kuba yaramweretse ukundo nyarwo mugihe bamaranye.

Mu magambo ye Mimi yagize ati “Umunsi mwiza w’isabukuru buryohe bwanjye,Uratangaje imbere n’inyuma. Warakoze kumbera urugero. Warakoze kunyereka urukundo nyarwo Mpora nsenga Imana ngo ikugende inyuma, iguhe ibyo wasengeye byose yongereho nibindi byinshi”

Mimi arongera ati “Impundu kuwundi mwaka 🥂” nuko asoza agira ati “NDAGUKUNDA NGABO 🖤””

Meddy ubwo yerekanaga umukunzi we mugitaramo yakoreye i Kigali

Taliki ya 24 Ukuboza 2018, Meddy n’umukunzi we bazanye mu Rwanda ubwo uyu muhanzi yari yitabiriye igitaramo cya East African Party cyabaye ku wa 1 Mutarama 2019.

Akigera ku kibuga cy’indege i Kanombe, Meddy yabwiye itangazamakuru ko impamvu yazanye n’umukunzi we Mimi Mehfira mu Rwanda ari ukugirango amwereke ababyeyi n’inshuti ariko ko iby’ubukwe batari babipanga.

Urukundo rwa Meddy na Mimi Mehfira rwatangiye kuvugwa mu mpera za 2017. Mu ntangiro za 2018, nabwo bizihizanyije iminsi mikuru ya Noheri n’ubunani.

Byaje gusakara kandi ubwo bombi bajyaga mu biruhuko muri Mexique bihumira ku mirari ku wa 7 Kanama 2018, ubwo uyu mukobwa yifurizaga Meddy isabukuru akavuga ko yamwihebeye.

 

 

Tanga Igitekerezo ukoresheje Facebook

SHARE