Search

Urban Boys bagiye gukora igitaramo cyabo cya mbere kuva basigara ari babiri

IBM Radio Listen Live

KANDA HANO UREBE VIDEO

Itsinda rya Urban Boys nyuma y’ibibazo ryagize mu minsi ishize bikaza no gutuma umwe mu bari barigize ariwe Safi ahitamo kurivamo, Nizzo na Humble Jizzo biyemeje gukomezanya ari babiri bagiye gukora igitaramo cyabo cya mbere bise ‘Urban Boys Vibes’ aho bazaba biyereka abakunzi babo nyuma y’ibibazo bavuyemo.

Urban Boys ya Nizzo na Humble G bagiye gutaramira abakunzi babo bwa mbere.

Iki gitaramo cya Urban Boys ya Nizzo na Humble Jizzo kizaba kuri uyu wa Gatanu tariki ya 8 Ukuboza 2017, kikazabera Nyabugogo ahitwa Vita E Bella kwa Mutanagana. Kwinjira bikazaba ari ubuntu.

Humble G asobanura impamvu igitaramo cyabo cya mbere bagiye kugikorera mu kabari, yagize ati “Nyiri kariya kabari tuzakoreramo asanzwe ari umufana wacu, ni umwe mu bababajwe n’ibibazo twahuye nabyo ariko nanone anyurwa n’indirimbo ya mbere twakoze turi babiri yafashe icyemezo cyo kudutumira kuko yifuje ko iwe ariho ha mbere tuzakorera igitaramo turi babiri ibintu byamushimishije nk’umufana wacu.”

Uyu musore yakomeje avuga ko bashimira abakunzi babo bababaye hafi bakanabakira neza mu rugendo rushya bari batangiye muri muzika, anatangaza ko bafitiye ibindi byinshi bazakora nyuma y’iki gitaramo.

 

 

Ivan Heritier

Comments

comments




Leave a Reply

Your email address will not be published. Required fields are marked *