Urban Boyz yacitsemo ibice bibiri

IBM Radio Listen Live

KANDA HANO UREBE VIDEO

Umwuka si mwiza hagati y’abasore batatu bari bagize itsinda rya Urban Boys kuko ubu basa nabamaze gucikamo ibice bibiri, igice kimwe kikaba kigizwe na Nizzo ari kumwe na Humble Jizzo naho Safi we akaba ari ku ruhande rwe wenyine.

Nizzo na Humble Jizzo nibo basigaye bagaragara mu bitaramo byatumiwemo Urban Boys.

Hashize iminsi havugwa umwuka mubi muri Urban Boys biturutse ku kuba ababasore basigaye bagenda ukubiri kandi atariko byahoze.  Kuva muri Gicurasi 2017 Humble Jizzo na Nizzo bagiye bakora ibitaramo bari bonyine mu gihe Safi Madiba we yabaga ari muri gahunda ze ndetse ntiyitabiriye ibikorwa byagiye bihuza abagize iritsinda birimo n’isabukuru y’amavuko ya Nizzo iherutse kuba.

Humble Jizzo mu kiganiro aherutse kugirana na Igihe yavuze ko Safi amaze iminsi arwaye, akaba ariyo mpamvu batakoranaga na we.

Safi uvugwa mu burwayi amaze iminsi yitabira ibitaramo bya Primus Guma Guma ndetse yagiye agaragara mu tubari n’ahandi hakunze guhurira abahanzi muri Kigali bigaragara ko nta kibazo afite kuko n’inzoga yarazinywaga nk’uko bisanzwe.

Safi bavuga ko yarwaye, yabaga yibereye mu bitaramo bya PGGSS7.

Nizzo na Humble Jizzo bamaze igihe bakora ibitaramo batari kumwe na Safi, harimo ibyo bazengurukanye n’itorero Mashirika mu bukangurambaga bwitwa ‘Tumurerere mu muryango’, icyo baherutse gukorera inyamata kuri Black and White n’ibindi.

Mu birori by’isabukuru ya Nizzo, Humble Jizzo ni we wamufashije gukata umutsima (gateau) afatanyije n’abandi bahanzi batandukanye; aha naho Safi ntiyahagaragaye.

Safi abajijwe uko byamugendekeraga kugira ngo abone intege zo kwitabira ibindi bitaramo nyamara ibyo Urban Boyz yatumiwemo atabikandagizamo ikirenge yasubije mu mvugo yumvikanamo uburakari ati “Ariko se koko wandetse.”

Nubwo aba basore bagerageza guhisha iby’amakimbirane bafitanye, hari amakuru yizewe avuga ko Urban Boyz yahawe ikiraka cyo kuririmba mu gikorwa cya Mashirika, habanje kuba ubwumvikane buke ku mafaranga ari nacyo cyabaye intandaro yo kwivumbura kwa Safi.

Humble Jizzo na Nizzo bo bemeye gukorera ayo mafaranga bari bemerewe, Safi we ahita abigumuraho ababwira ko atakorera amafaranga adafatika.

Nizzo na Humble Jizzo bamaze igihe baririmba bonyine.

 

 

Ivan Heritier

45,150 total views, 1 views today

Comments

comments

Indirimbo Nshya : NTURANYE NABO by MAY LO[YIREBE HANO]



Leave a Reply

Your email address will not be published. Required fields are marked *