Search

Urugendo rwa Safi Madiba mu muzika ku giti cye nyuma yo gutandukana na Urban Boyz

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

 

Tariki ya 4 Ugushyingo nibwo mu binyamakuru byo mu Rwamda no mu karere hamenyekanye inkuru ivuga ko Niyibikora Safi wamenyekanye nka Safi Madiba yamaze gusezera ku mugaragaro mu itsinda Urban Boyz. Kuva icyo gihe kugeza ubu amezi abaye atanu arengaho iminsi akora umuziki ku giti cye.Wakiwibaza uti “Ese urwego rw’umuziki we rugeze hehe?’ “Ese hari icyizere utanga mu minsi iri imbere? Ibi bibazo n’ibindi wibaza urabona ibisubizo muri iyi nkuru twakoze twifashishije bimwe mu byo yatangaje n’ibyo ibinyamakuru binyuranye byagiye bimuvugaho.

Safi akomeje kwiteza imbere abikesha umuziki we nyuma yo gutandukana na Urban Boyz

Tariki ya 1 Ukwakira 2017 nibwo Safi yakoze ubukwe n’umukunzi we Uwizeye Judith. Nyuma y’ubu bukwe nibwo hatangiye kumvikana umwuka utari mwiza watewe n’uko umwe mu basore baririmbanaga mu itsinda Urban Boyz [Nizzo Kabosi] atangarije ko uyu musore atigeze amutumira. Kuva ubwo ibintu byabaye nkaho bizamba kugeza tariki ya 4 Ugushyingonubwo Safi we ubwe yemereraga itangazamakuru ko yamaze gusezera mu itsinda rya Urban Boyz akajya gukora umuziki we ku giti cye.

Related image

Ubukwe bwa Safi Madiba waberewe Palain n’umuraperi Riderman

Agitangira umuziki ku giti cye Safi yakoze indirimbo zirakundwa cyane ndetse ,zinambuka imbizi z’u Rwanda zerekeza mu mahanga.Muri zo twavugamo nk’iyitwa Got It yakoranye na Meddy, Kimwe kimwe ari nayo yasohoye bwa mbere akoze wenyine yakunzwe cyane cyane n’urubyiruko haba ku buryo bw’amajwi ndetse n’amashusho.

Kanda hano wumve kimwe kimwe indirimbo Safi yakoze wenyine bwa Mbere

Bidaciye kabiri hongeye kumvikana indi nkuru yemeza ko Safi Madiba yamaze kugirana amasezerano n’inzu itunganya umuziki nshya mu Rwanda The Mane, iyi ikaba ari inzu ihagarariwe na Bad Rama. Tariki ya 24,25 Werurwe nibwo Safi n’abahanzi bakorera umuziki wabo mu nzu itunganya umuziki ya The Mane, bakoze ibitaramo bibiri: Icyabereye I Musanze n’icyabereye I Kigali mu mahema ya Camp Kigali. Igitaramo cy’I Musanze twavugako cyitabirwe cyane ugereranije n’icyakorewe mu Mugi wa Kigali.Tubibutse ko iki gitaramo cyari icyo kumurika ku mugaragaro inzu itunganya umuziki ya The Mane, cyari cyatumiwemo icyamamare mu  muziki wa Tanzaniya Harmonize usanzwe akorera umuziki we mu nzu itunganya umuziki ya Wasafi ihagarariwe na Diamond Platinumz.

Mu mpera za Werurwe nibwo Safi yakomeje kugenda avugwa mu itangazamakuru nyuma yaho yari amaze gutangaza kuri Radiyo y’igihugu ko atigeze agirana ubucuti n’umwe mu basore baririmbanaga mu itsinda Urban Boyz [Hummble Jizzo].Nyuma yuko  umunyamakuru yari amubajije icyatumye atamugenera ubutumwa bwiza nyuma yo kwibaruka umwana w’umukobwa aho yari muri Leta Zunze Ubumwe z’Amerika. Aha Safi yemeje ko nta bucuti bigeze bagirana usibye guhuzwa n’akazi gusa.

Nyuma yo gukorana indirimbo  Fine na RayVanny wo mu gihugu cya Tanzaniya , Umuziki wa Safi  wafashe indi ntera cyane ko zimwe mu ndirimbo ze zatangiye kumvikana ku bitangazamakuru byo mu karere ka Afurika y’iburasirazuba.

Imwe mu ndirimbo aheruka gushyira hanze ku buryo bw’amajwi ni iyitwa My Hero, nayo ikaba imaze kugenda ikundwa n’imbaga nyamwinshi cyane cyane urubyiruko.Mu bikorwa byose Safi yakoze, ibyinshi byamutwaye amafaranga gusa ntibyamubujije kwiyubaka bikomeye , dore  aheruka no kwigurira Imodoka yo mu bwoko bwa Toyota Land Cruiser ya miliyoni 20 z’amafaranga y’u Rwanda.

Umva amajwi-nyandiko y’indirimbo “My Hero” Safi aheruka gushyira hanze

 

Ibindi bikorwa by’indashikirwa Safi amaze kugeraho nyuma yo gutandukana na Urban Boyz twavuga nk’umuryango wamwitiriwe ,Madiba Foundation .Uyu muryango uhuza zimwe mu ncuti ze n’abakunzi b’umuziki we , ukaba ari umuryango utanga ubufasha ku batishoboye nkaho mu gikorwa baheruka gukora mu minsi ya vuba bifatanije n’abarokotse Jenoside yakorewe Abatutsi  mu kubaremera ,ibi byabereye ahitwa i Karembure mu mujyi wa Kigali, aho babageneye ibiribwa n’ibindi bikoresho  bibafasha mu buzima buzanzwe bwa buri munsi.

Madiba Foundation yifatanije n’abarokotse Jenoside yakorewe Abatutsi b’I Karembure

 

Imwe mu mishanga ateganyagukora vuba , Safi avugako yiganjemo ibitaramo arimo ategura mu Mujyi wa Kigali no  mu Ntara aho yemeza ko amatariki azayamenyesha abakunzi be mu minsi iri imbere. Safi akomeza atangaza ko afite na gahunda yo hukorana indirimbo na Urban Boyz , ari naryo tsinda yahoze akoreramo umuziki we twanemeza ko ari naryo ryamugize uwo ariwe muri iki gihe.

 

Ildephonse [email protected]

 

 

Comments

comments




Leave a Reply

Your email address will not be published. Required fields are marked *