Search

URUHARE RW’ ICYAYI CYA KAWA MU MIBEREHO YA MUNTU.

IBM Radio Listen Live

KANDA HANO UREBE VIDEO

Ikawa ni igihingwa gihingwa ku butaka butari buke ku isi yose. Iyi kawa yitwa icyayi igihe yabanje gucishwa mu nganda igatunganywa. Ikinyamakuru BBC kiratwereka uruhare rw’ iki cyayi gikomoka ku gihingwa cya kawa mu buzima bw’ umuntu.

Ni gake usanga abantu bakunda kunwa ubu bwoko bw’ icyayi barwaye indwara nka kanseri cyangwa indwara y’ umutima. Kimwe nuko, nta bushakashatsi bwari bwagaragaza ko kunwa icyayi bitera kuribwaribwa mu mubiri.

Ubushakashatsi bwakorewe mu kigo cyitwa British Medical Journal (BMJ), bwagaragaje ko iyo unyweyi icyayi neza uko bikwiye, bigufasha cyane. Bukomeza buvuga ko byibura iyo ufashe ibikombe bitatu (3) cyangwa bine (4) ku munsi, bigufasha kutagira ibiro byinshi mu mubiri wawe.

Eliseo Guallar uturuka mu ishuri ryigisha ibijyane n’ imibereho myiza rya John Hoptins Bloomberg, mu kuvuga ku byari byatangajwe n’ abashakashatsi bo muri BMJ, yagize ati: “nta ngaruka zihambaye zari zagaragara ku muntu wanyweye icyayi. Yongeyeho ko icyayi kiza gikwiye gufatwa nk’ inkomo y’ ubuzima bwiza cyane cyane kubakuze.”

Gusa umunyarwanda yaravuze ati: “nta byera ngo de”, BMJ ivuga ko iyo umugore utwite anyweye icyayi cyinshi cyane, bimugiraho ingaruka. Abahanga bagaragaza ko umuntu adakwiye gutangira kunywa icyayi ku ntego yo kugira ubuzima bwiza, ahubwo ku ntego yo kumva ko kiragufasha kutiyongera ibiro, ngo bigere ku kigero gikabije.

Abashakashatsi bo muri kaminuza ya Southampton, bakusanyije amakuru ku ngaruka z’ icyayi mu mibereyo yose ya muntu. Ubu bushakashatsi bwafashe hejura y’ inyigisho 200. inyinshi muri zo, zibanze mu kwitegereza.

Ubushakashatsi bwakorewe mu bihugu bigera ku icumi (10) byo ku mugabane w’ uburayi bwerekanye ko abagera kuri ½ cya miriyoni banywa ibikombe bitayu (3), byabafashije kubaho igihe kirekire. Byakomeje buvuga ko nibura kunywa agakombe kamwe nyuma yo gufata ifunguro, bigira icyo byongera ku gihe wari kuzabaho mu buzima bwawe.

Ibigo nka International Agency for Research (I.A.R), gishakashaka ku ndwara nka kanseri cyangwa umutima, hamwe n’ ikigo Imperial College London (I.C.L) byagaragaje ko kunywa icyayi cyinshi bigabanya ingaruka z’ imfu zitunguraniyeho cyane cyane nko ku ndwara y’ umutima cyangwa indwara ya gute. Ibi byagaragaye nyuma y’ umwanzuro wafashwe ku isesengurwa ry’ amakuru yakusanyijwe ku bantu batarengeje imyaka 35 bakomoka mu bihugu icumi (10) by’ iburayi.

Porofeseri Sir Spiegelhalter ukomoka muri kaminuza ya Cambridge, mu busesenguzi bwe yagize ati: “koko niba imibare igaragazwa yerekeye n’ igabanyuka ry’ imfu riterwa no kunywa icyayi, ubwo agakombe kamwe (1) k’ icyayi kakongerera umugabo igihe kingana n’ amazi atatu (3) cyo kubaho ku gihe cyari gisanzwe. Naho umugore kakamwongerera igihe kingana n’ ukwezi kumwe (1) ku kigero fatizo.”

Ubushakashatsi bukomeza bwerekana ko abantu banywa nk’ ibikombe bitatu (3) ku munsi, bamara igihe kitari gito bishimanye n’ abandi kandi n’ ubuzima bwabo bukagenda neza. Ni gake uzasanga umuntu ukunda kunywa icyayi yaheranywe n’ agahinda. Abahanga bagaragaje ko kunywa icyayi kinshi ku badanu, bibagabanyiriza ingaruka zo gufatwa na kanseri y’ inkondo y’ umura.

Burya ngo na none kunywa icyayi kirimo caffeine nyinshi (aside iboneka mu cyayi ituma umuntu rimwe na rimwe yumva atameze neza) bishobora gutuma tutiyumva neza, bigatuma twiyumvamo kujyenda gahoro mu mubiri wacu. ibi birashimangirwa n’ ibyabereye muri reta zunze ubumwe za Amerika aho umwana muto yari agiye guhitanwa n’ icyayi cyuzuyemo Caffeine nyinshi yakinyweye yihuta cyane.

Porofeseri Paul Roderick ukora mu gisata cy’ ubuganga muri kaminuza ya Southampton we yagize ati: “ubushakashatsi bwasohoka bukagaragaza ko icyayi kidafitiye umubiri wacu akamaro gahambaye, abo bantu nta kintu baba bashakashatse. Yanongeyeho ko na siporo umuntu akora, hari ikintu zihindura ku mubiri wawe. Nawe yashimangiye ko kunywa icyayi neza, bigabanyiriza umuntu umubyibuho ukabije”

Abahanga baturuka mu kigo cya National Health Services (N.H.S) gikorera mu bwongereza, bagaragaje ko muri rusange nta ngaruka zo kunywa icyayi, gusa ku mudamu itwite agomba kurwanya kunywa icyayi kinshi. Bavuga ko atagomba kurenza amagarama 200 y’ icyayi ku munsi. Bagaragaza ko impamvu nta yindi ari uko bishobora kongera ibyago ku mwana kuvuka ari muto cyane cyangwa afite ibiro bike cyane. Na none kunywa icyayi kinshi ku mudamu utwite, bishobora gutuma abyara igihe kitageze.

Abahanga mu by’ ubutabire ntibagiye kure y’ ibyabandi bahanga bavuze. Bashimangiye ko kunywa icyayi bifasha ibihumbi n’ ibihumbi by’ abantu kubaho igihe kirekire ku isi yose kandi bafite imbaraga, bakiri injege. Gusa bavuga ko na none imyitozo ngorora mubiri ishobora kubigiramo uruhare mu iramba ryawe.

Ubu intiti zimwe na zimwe mu bisata bigeye bitandukanye, zigaragaza ko icyayi kigenda kikagira akamaro mu kuringaniza isukari, amata, ndetse n’ ibinure umubiri wacu ukeneye. Tom Sanders, umuporofeseri mu kigo cya King’s College London ati: “abantu baba bafite umutima udatera neza, barakangurirwa kujya banywa icyayi kitarimo caffeine nyinshi kuko ishobora kubatera umuvuduko w’ amaraso mu mubiri.”

 

Yanditswe na John Baptiste MUNYEMANA

Comments

comments




Leave a Reply

Your email address will not be published. Required fields are marked *