Urukundo rwa Teta Sandra na Weasel wo muri Good Lyfe rugeze aharyoshye(VIDEO)

Hashize iminsi havugwa urukundo hagati y’umugande, Weasel wo mu itsind rya Good Lyfe n’umunyarwandakazi Miss Teta Sandra usigaye yibera mugihugu cy’i Bugande.

Teta na Weasel bari mu munyenga w’urukundo

Weasel na Teta barasa nabashimangiye urukundo rwabo, aho uyu muhanzi yakoresheje uyu mukobwa mu mashusho y’indirimbo yise “Guwooma” bishatse kuvuga “Ruraryoshye”

Teta Sandra n’uyu musore basigaye bakundana byeruye ndetse ntibacyihisha itangazamaukuru ryo muri iki gihugu nkuko babikoraga mbere, ubu basigaye bagaragara bafatanye agatoki ku kandi mu birori uyu mukobwa akunze gutegura mu mujyi wa Kampala.

Teta na Weasel mu ndirimbo nshya yuyu muhanzi yise “Guwooma”

Muri Uganda inkuru y’urukundo rwabo ari guca ibintu kuburyo hari n’ibinyamakuru byandika ko Douglas Mayanja [Weasel Manizo] akundana na Miss Rwanda.

Uyu mukobwa Teta Sandra yamenyekanye cyane mu Rwanda, ubwo  yambikagwa ikamba rya Miss University Rwanda 2014 ndetse mu 2012 yabaye igisonga cya kabiri cya nyampinga w’ishami rya Kaminuza y’u Rwanda mu ishuri ry’Imari n’ubukungu[SFB] ubu yahindutse CBE.

Teta azwi cyane mukuba yarateguraga ibitaramo bitandukanye hano mu Rwanda, harimo icyo yise “Red Party” cyitabirwaga n’abambaye imituku gusa.


Tanga Igitekerezo ukoresheje Facebook