Search

Urusengero rwa Bishop Rugagi n’urw’Inkurunziza zikorera mu mujyi rwagati zafunzwe (Amafoto)

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Kuri uyu wa Kabiri tariki ya 13 Gashyantare 2018 nibwo Akarere ka Nyarugenge kafunze urusengero rwa Bishop Rugagi Innocent (Redeemed Gospel Church) n’urw’Itorero Inkuru Nziza ziherereye mu Mujyi wa Kigali rwagati.

Urusengero rwa Bishop Rugagi n’urw’Itorero ry’Inkurunziza zafunzwe.

Ku gica munsi cyo kuri uyu wa Kabiri nibwo amakuru y’ifungwa ry’izi nsengero yamenyekanye. Amakuru Ibyamamare.com yahawe n’umwe mu bakora ku rusengero rwa Rugagi avuga ko babafungiye urusengero kubera ikibazo cy’urusaku rwinshi.

Ubwo umunyamakuru w’Ibyamamare.com yageraga kuri uru rusengero rwa Bishop Rugagi yahahuriye na bamwe mu bakirisitu bari baje gusenga basanga harafunze.

Umwe muri aba bakirisitu yabwiye umunyamakuru ko ubuyobozi bw’uru rusengero bwari bubizi neza ko isaha yariyo yose babafungira ndetse n’amateraniro yo ku mugoroba wo kuwa Mbere bayakoze mu buryo budasanzwe. Yagize ati “Nyine urabona badufungiye urusengero, ariko abayobozi bashobora kuba hari icyo bari babiziho kuko n’ejo kuwa mbere twateranye mbona bidasanzwe. Bari bafunguye imiryango ibiri gusa y’urusengero kandi ubusanzwe imiryango yose uko ari itanu iba ifunguye n’amajwi ntabwo yumvikanaga cyane nkuko byari bisanzwe!”

Urusengero rwa Redeemed Gospel Church ruyoborwa na Bishop Rugagi rufunzwe mu gihe bari mu giterane cy’iminsi 77 cyiswe “Habwa’’ kiba buri munsi ku mugoroba.

Urusengero rw’Itorero Inkuru Nziza narwo rwafunzwe. Ubwo umunyamakuru wacu yageraga kuri uru rusengero ruherereye mu mujyi rwagati hepfo ya Banki ya Kigali, yasanze nta n’inyoni itamba ndetse ku muryango w’igipangu hamanitse itangazo rimenyesha abakirisitu ko amateraniro asanzwe ahabera uyu munsi ataribube.

Iki cyemezo cyo gufunga insengero cyafashwe nyuma y’igihe ba nyirazo hari ibyo basabwe gukosora ariko ntibyakorwa.

Urusengero rw’Itorero Inkuru Nziza narwo rwafunzwe.

 

 

Ivan Heritier

Comments

comments




Leave a Reply

Your email address will not be published. Required fields are marked *